ترکیه افغانستان کې د داخلي بې ځایه شویو لپاره مرستې لیږي

د ترکیې د سرې میاشتې ټولنې ویلي، چې په افغانستان کې داخلي بې ځایه شویو ته بشردوستانه مرستې رسوي. د ترکیې د سرې میاشتې ټولنې مشر کریم کینیک ویلي، چې د پاکستان له لارې غواړي د ۱۶۰۰۰ بیځایه شویو افغانانو لپاره خوراکي توکي ولیږي. نوموړي ویلي، ترکیې له دې مخکې هم د طا لبانو تر کنټرول لانې سیمو کې له خلکو سره خپلې مرستې کړي او اوس هم دغې لړۍ ته دوام ورکوي. نوموړي زیاته کړې چې دغه مرستې يې د وچکالۍ، د نړیوال تجارت د درېدو او د نړیوالو مرستو د بندېدو له امله کړې دي. د ترکیې د سرې میاشتې ټولنې له ۲۰۱۸ کاله راهیسې تر اوسه د ۲۵۰ زره ډالرو په ارزښت له افغانانو سره مرستې کړي تر څو پرې کوچنۍ سوداګري وکړي.