د افغانسان او ایرلنډ ترمنځ درېیمه شل اوریزه لوبه نن شپه ترسره کیږي

د افغانستان او ایرلنډ کرکټ ملي لوبډلو ترمنځ نن شپه ۸نیمې بجې درېیمه شل اوریز لوبه ترسره کیږي. په دې لوبلړۍ کې تردې وړاندې لومړۍ شل اوریزه لوبه ایرلنډ لوبډلې ګټلې او دویمه شل اویزه لوبه بیا تیره شپه افغان لوبډلې وګټله. د دواړو لوبډلو ترمنځ د دریو شل اوریزو لوبو لړۍ تردې دمه مساوي روانه ده، وروستۍ شل اوریزه لوبه چې نن شپه ترسره کیږي، هره لوبډله چې پکې بریا خپله کړي؛ نو د یادې لوبلړۍ ګټونکې لوبډله به اعلان شي. د یادولو وړ ده، چې د افغانستان او ایرلنډ کرکټ ملي لوبډلو ترمنځ تردې وړاندې یوازینۍ ټېسټ لوبه ایرلنډۍ لوبډلېګټلې او ورپسې د یو ورځنیو لوبو لړۍ بیا افغان لوبډلې په خپل نوم کړې ده.