امريکا په خپل ۲۴۶ کلن تاريخ کې د ۲۲۸ کلونو لپاره جګړې کړي، خو پوښتنه دا ده، چې دغه هېواد ولې له جګړو لاس نه اخلي او نه ستړی کیږي؟ د امريکا حکومت د خپلو ځواکونو ويجاړوونکو جګړو ته ولې د عدل او انصاف نوم ورکوي او د جګړو تر شا يې څه پرېښودلي؟
د امريکا لخوا د راپارول شويو جګړو درې مهم ټکي دا يادولی شو، چې دغه هېواد هميشه په دروغجن تبليغ جګړه پېل کړې، د نورو هيوادونو سرچېنې او شتمنۍ يې چور او تالا کړي او جنګ ځپلو هيوادونو ته يې يوازې زيانونه ور پرېښودلي دي.
پر نورو هېوادونو د امريکا د تيري لاملونه پر دروغو استوار وي
د امريکا پخواني بهرنيو چارو وزير کولين لوتهير پويل د ۲۰۰۳م کال د فبرورۍ په ۵مه نېټه د ملګرو ملتونو امنيت شورا ته وينا کوله او په ترڅ کې يې غونډې ته يو کوچنی بوتل وښوده، چې پکې سپين پوډر اچول شوي وو او دا يې په عراق کې د لويې پيمانې وژونکو کيمياوي وسلو د جوړولو شواهيد بللي وو.
امريکا وروسته پر عراق بريد وکړ او هلته يې ۹ کاله د کيمياوي وسلو او ترهګرۍ د مخنيوي په نوم جګړه وکړه، خو په دغه هېواد کې يې هيڅ کيمياوي وسلې ونه موندې او تر اوسه یې نړۍ ته د دغې جګړې شواهد وړاندې نه کړل.
د امريکا مخکيني ولسمشر ډونالډ ټرمپ د خپل ماموريت پر مهال پر پخواني حکومت نېوکې کولې او هر وخت به يې په خپلو خبرو کې د کولين لوتهير پويل هغه ادعا يادوله، چې په عراق کې په لويې پيمانې وژونکي کيمياوې وسلې موجودې دي، خو ټرمپ يې د شواهدو غوښتنه کوله او بيا بيا یې ويل، چې په عراق کې يادې وسلې نشته، نو امريکايي ځواکونو ولې هلته جګړه پېل کړې؟ ټرمپ نړۍ ته دا حقیقت په ډاګه کړ، چې امريکايي ځواکونه په عراق کې د پروپاګڼد او دروغو پر بنسټ جګړه کې ښکېل شوي دي.
امريکا نړيوالو ته د ترهګرۍ ضد د مبارزې، د جګړو د مخنيوي، د ډيموکراسۍ او بشري حقوقو په پلمه دوکه او خپلو نامشروع جګړو ته د مشروعيت رنګ ورکوي.د امريکا حکومت له واشنګټن څخه توطيې پلان کوي او پر رښتينو حالاتو خاورې اړوي. د امريکا شتمنې ډلې يې په جګړو کې ګټې لټوي او حتې په خپل هيواد کې دننه د خلکو پيسې هم غلا کوي.
د امريکا شتمن کسان لا شتمن کيږي او د نورو مشروع ګټې تالا کوي
د امريکا اوسني ولسمشر جوبايډن په ۱۹۹۸م کال کې، چې هغه مهال د دې هېواد د مشرانو جرګې غړی و، د ګواهۍ د اورېدو په يوې غونډې کې امريکايي سرتيري ته خبرې کولې او د پيغور په بڼه يې ورته وويل، ((دوی ستاسو په پرتله زياتې پيسې اخلي او ستاسو په پرتله ډېر واک هم لري. دوی د عراق په جګړه کې ډېرې پيسې واخيستې او ډېر ښه موټرونه هم لري، خو تاسې يې نه لرئ!)
جو بايډن اوس د امريکې ولسمشر دی، خو هغه مهال چې امريکايي سرتيري ته يې ويل، (دوی په جګړه کې ډېرې پيسي واخيستې)) دوی څوک دي؟
امريکا په ۲۰۰۱م کال کې د افغانستان جګړه راوپروله او شل کاله يې دوام وکړ او په ۲۰۰۳م کال کې يې د عراق جګړه راپورته کړه، چې۸ کاله یې دوام وکړ. د جګړو سترو لګښتونو امريکا ته زيانونونه نه دي رسولي، خو برعکس د دغه هيواد سياسي ډلو او تصديو ترې ښې ګټې پورته کړي او نور هم شتمن شوي دي.
د جوبايډن پورتنې خبرې، چې د (دوی) فاعل يې یاد کړی، ښايي همدا وي، چې د امريکا پوځي تصدۍ او شرکتونه د امريکايي ځواکونو د جګړو لپاره وسلې او پوځي وسايل توليدوي او نور اړوند توکي ورته برابروي او سياستوال يې ګټې ترې پورته کوي.
امريکا د جګړو په مټ د کوچنيو هېوادونو د کنټرول حق تر لاسه کړی او سرچينې يې ورتالا کړې دي،
د جګړې ښکار هيوادونو شتمنۍ په ډالرو حسابوي او انفلانسيون يا پيسو پړسوب پر نورو هيوادونو ور اچوي او خپلې ګټې کوي.
امريکا له جګړې وروسته سپين ميدان پرېږدي، هر څه شا ته غورځوي او ځان ترې اوباسي
جنګونه د جګړه ځپلو هيوادونو د خلکو لپاره لوی مصیبتونه او کړکېچونه زيږوي، خو برعکس همدا شخړې بيا د امريکا د پيسو د چاپ ماشينونه دي.
امريکا جنګي ميدانونو کې اقتصادي بحرانونه راپورته کړي، چې وروسته بيا جګړه ځپلي خلک يې د حل په لټه وي، خو توان يې نه لري او اغېزې يې تر څو نسلونو رسیږي.
امريکا د ۲۰۰۳م کال په مې کې په عراق کې جګړه پای ته ورسوله، خو د دغه هېواد ډېر بنسټيز تاسيسات یې وران پرېښودل او عراق له ۱۹ کلونو راهيسې د جګړې پاتي زيانونه او ستونزې ګالي او کږليچونه وهي. افغانستان هم له اقتصادي ستونزو کړيږي، ډېری افغانان بې روزګاره او کډوال شوي او افغان مېرمنې او ماشومان له راز راز ستونزو سره مخ دي.
د امريکا ولسمشر جو بايډن تېر کال وويل، چې په افغانستان کې د امريکا د شل کلنې جګړې پای ته رسول يې سمه پريکړه ده او دا یې هم وويل، چې د امريکا هدف دا نه دی، چې افغانستان اباد کړي. امريکا د جګړې نوی هدف لري، په هغو ځايونو کې، چې شخړې يې پکې کړي، ښې ګټې يې ترلاسه کړي دي، نو څنګه امکان لري، چې بيارغونه پکې وکړي؟
