د اوکراين د کابينې د رسمي ويبپاڼې د يو راپور له مخې، د اوکراين صدراعظم ډینس شمهال د دسمبر په ۱۵مه نېټه د دغه هېواد په ځايي او ایالتي حکومتي غونډه کې وويل، اوکراين په اروپايي ټولنه کې د شاملېدو لپاره خبرې اترې پيل کړې دي، دا يو سخت کار دی او اوکراين اړتیا لري چې د اروپايي ټولنې له قوانینو سره د سمون لپاره د خپل قانون ۲۷۳۹ ټوټې بشپړې کړي.
د اروپايي شورا مشر چارلس میشل د روانې میاشتې په ۱۴مه نېټه په ټولنیزو رسنیو کې اعلان وکړ چې اروپايي شورا پرېکړه کړې چې په اروپايي ټولنه کې د اوکراین او مالدووا د شاملېدو لپاره خبرې اترې پیل کړي.
اوکراین او مالدووا په جلا جلا توګه د ۲۰۲۲م کال په فبرورۍ او مارچ کې د اروپايي ټولنې د غړیتوب لپاره خپل غوښتنلیکونه وسپاره. دواړو هیوادونو د ۲۰۲۲م کال په جون کې د اروپايي ټولنې کاندید هېوادونه شوي اواروپايي شورا د روان کال په نومبر کې په اروپايي ټولنه کې د اوکراین او مالدووا د شاملېدو لپاره د خبرو اترو دپیل وړاندیز وکړ.
