په وروستيو کې د سیاسي لاسته راوړنو مفکوره په چين کې د پاملرنې وړ ګرځېدلې ده. چينايان د سياسي لاسته راوړنو د مفکورې په باب بحثونه کوي چې کومه يې سمه ده او په دې برخه کې د چين او لوېديځو هېوادونو نظرونه څه اصلي فرق لري.
په چین کې سياسي لاسته راوړنې هېڅکله يوازې د دفترونو له ګرافونو سره تړاو نلري بلکې د خلکو سترګې د ښو بدلونونو پسې تړاو لري. د بېلګې په توګه ناپاکې اوبه پر پاکو اوبو او صحرا پر سمسورې سيمې بدل شوې او په بېوزلو کليو کې د خلکو ژوند لا ښه شوی دی. چينايان دا ټول سياسي لاسته راوړنې بولي او د خپلو زیارونو له لارې يې نړيوالو ته د سياسي لاسته راوړنو د رښتينې مانا توضيحات ورکړي دي. همدا هم له سترې نقشې څخه پر حقيقت د بدلېدو لپاره د چين د واکمن ګوند کیلي ده.
لومړۍ سياسي لاسته راوړنې نه شو کولی چې د شعارونو په ورکولو سره برملا کړو بلکې د زيارونو له لارې تر لاسه شوې دي. په چين کې حکومتي لاسته راوړنې د ستونزو له حل و فصل سره تړاو لري.
د ۲۰۱۷م کال په دوبي کې د سه چوان ولایت د چينګ شن ولسوالۍ د مين جيانګ سيند څارونکې هوانګ ينګ هره ورځ د دې سيند پر غاړه ګزمې کولې او د ککړو اوبو د ايستنې هر ځای يې څارلی. د مين جیانګ سيند پر غاړه د هغې په شان د همدغو څارونکو شمېر څه باندې يو اعشاریه ۲ میليون ته رسېدلی او هر تن د دې سيند د چاپېريال ساتنې لپاره ډېرې هڅې کړې دي. اوس د هوانګ اينګ له خوا د ساتل شوې برخې اوبه پاکې شوې او پر غاړه يې د څلوېښتو کیلو مترو په اوږدوالي بانسي لاره جوړه شوې چې نه يوازې يې د خلکو د چکر وهلو لپاره ښه ځای برابر کړی بلکې هر کال يې يو ميلیارده او شپږ سوه میليونه یوانه عايدات تر لاسه کړي.
همدغه کيسې په چين کې ډېرې اورېدل شوې دي. په دقيقه توګه له بې وزلو کسانو سره د مرستو کيسه یوه بله بېلګه ده. څه باندې درې میليونه کدرانو کلیوالو سیمو ته داخل شوي او د ځايي اوسېدونکو د ژوند سویې لوړولو لپاره یې د هرې کورنۍ په اړه معلومات تر لاسه کړي، که کومه کورنۍ غواړي چې تخنيک زده او خپل کړي، نو هغوی ته به تخنيګر وسپاري. که بله کورنۍ غواړي چې خپلې چارې جوړې او تاسيس کړي، نو له بانک څخه د پورونو د اخيستلو په برخه کې به ورسره مرسته وکړي. هغوی په سمو لارو چارو له هرې کورنۍ سره مرسته وکړي څو چې له بېوزلۍ څخه يې ټولنې ژغورلې دي. اوس د هو نان ولایت په شه با دونګ کلي کې چې پخوا بېوزله و، د هر تن په سر عايدات له ۱۶۶۸ يوانو څخه ۱۴۶۶۸ يوانو ته لوړ شوي او د پخوا په پرتله لس چنده زيات شوي دي.
په چين کې سیاسي لاسته راوړنې د مشرانو او مسؤلينو له خوا د تر سره شويو غونډو له شمېر او لارښوونکو سندونو او د شعار ورکولو سره تړاو نه لري بلکې له هغو ټکو سره تړاو لري چې ايا ستونزې په رښتينې توګه حلېږي که نه؟ ايا د خلکو ژوند لا ښه شوی او خلک د حکومت او چارواکو له کارونو سره خوښ دي او که نه؟ همدا د چين د سیاسي لاسته راوړنو ځانګړې مفکوره ده.
سياسي لاسته راوړنې دې ګام په ګام د حکومتي کدرانو په زیارونو سره تر لاسه شي. رښتيا ده چې د ډېرو کارونو تر سره کېدنه به وخت ونيسي، د بېلګې په توګه د صحرا د مخنيوي او کنترول کار، د اوبو پاکوالی او د کليوالو سيمو ابادي. چينايانو په دغو کارونو کې ګام په ګام خپلې موخې تر سره کړې دي.
د چين د جه جيانګ ولايت د کليوالو سيمو ابادي يوه ښه بېلګه ده. په ۲۰۰۳م کال کې د دې ولایت حکومت وغوښتل چې د لس زره کليوالو د ښه والي لپاره هڅې وکړي او زر کلي به د نمونوي کليو په توګه اباد کړي. هغوی د کثافاتو او ککړو اوبو له پاکولو څخه تر کليوالو سړکونو پورې هر کار په ښه توګه تر سره کړی چې په تېرو شلو کلونو کې يې دوام درلود او خپله موخه یې نه ده بدله کړې. اوس په دغو کليو کې د سيندونو اوبه پاکې دي او بزګران په کليوالو سيمو کې له سيلانیزو چارو څخه ګټه اخيستلی شي.
د سياسي لاسته راوړنو په اړه د چين مفکوره له لوېديځو هېوادونو سره توپير لري. د چين د دغې مفکور له مخې حکومتي کارونه نه شي کولی چې د چارواکو د بدلېدو له امله قطع شي او کاري معيار ټيټ نه شي. نو ځکه د چین سياسي لاسته راوړنې د چارواکو او خلکو په ګډو هڅو تر لاسه شوې دي.
لکه چې د چین د دولت رئیس شي جين پینګ ويلي و، سياسي لاسته راوړنې دې د دوامدارو زيارونو او هڅو له لارې تر لاسه شي.
