د سوداګرۍ وزیر؛ هند کې د افغان شرکتونو له غرفو څخه لیدنه کړې

د صنعت او سوداګرۍ وزیر نورالدین عزیزي هند ته د خپل سفر په ترڅ کې په نوي ډيلي کې له پراګتي میدان نړیوال نندارتون او د افغانستان د نندارتوني شرکتونو له غرفو څخه لیدنه کړې ده. د صنعت او سوداګرۍ وزیر په دې لیدنه کې د هند د سوداګرۍ پراختیا له مشرتابه څخه د افغان شرکتونو لپاره د ساحې ځانګړې کولو، افغان ګډونوالو ته د ویزې د ورکړې په برخه کې اسانتیاوو، په کابل او هند کې د افغان ـ هند ګډ نندارتون جوړولو او د همکاریو کچې د پراختیا په اړه خبرې کړې دي.