د امريکا د څو ارګانونو او خبري رسنيو په وروستيو کې د شویو نظر سنجيو پایلې خپرې کړې چې له مخې يې ډېری امریکايان له اوسني وضعیته نا امیده دي او په دې اند دي چې د امريکا پرمختيايي لوری له ناهیلیو ډک ښکاري او اوس پر ناسمه لار روانه ده.
د امريکا د اېن بي سي راډيوي شرکت د وروستۍ نظر سنجۍ نتيجه ښيي چې په دې نظر سنجۍ کې ۷۴ سلنه ګډون کوونکي په دې اند دي چې امريکا پر ناسمه لار روانه ده. د دې شرکت وياند چاک توډ د دې نتيجې په خپرولو سره ويلي چې امريکايانو يوازې په ۱۹۹۲ کال او ۲۰۰۸ کال کې له ولسمشرۍ ټاکنو مخکې د خپل هېواد د پرمختيایي لوري په هکله دومره ناهیلي شوي وو.
سرچینې دغه راز ويلي، دا چې د امريکا حکومت د اقتصاد، سوداګرۍ، ګمرکي مالياتو او مهاجرينو په برخو کې ناسمه تګلاره غوره کړې او د اوکراين په کړکېچ کې يې په دوامداره توګه دغه هېواد ته پوځي وسلې ورکړې او په پايله کې يې کشاله سخته شوې ده. د امريکا د بېلا بېلو ټولنو شخصيتونو په دې اړه ناخوښي څرګنده کړې.
د امريکا په دننه کې د بانکي سود د زیاتوالي له لس پړاونو وروسته د دې هېواد د پيسو پړسوب انډول د راټيټېدو نښې نښانې ښکاري، خو د محصولاتو پر بيو يې ښه اغيزه نه ده کړې چې امريکايان لاهم د ژوند د لګښت د زياتوالي پر وړاندې اندېښمن دي او دا موضوع د دوی د پاملرنې ګرځېدلې ده.
د (USA TODAY)په نوم ورځپاڼې يو خبريال داسې ويلي چې د امريکايانو په نظر د دغه هېواد اقتصاد له ډېر ګونګ او ناڅرګند وضعیت سره مخ دی او له دې امله ډېری امریکایان اندېښمن شوي دي.
د امريکا حکومت د نورو هېوادونو په مقابل کې سوداګرۍ ساتونکې تګلاره غوره کړې او په وار سره يې د چپ او ساينس قانوني مسوده او د پيسو پړسوب د کمښت قانوني مسوده خپره کړه او په دې سره يې د نړيوالو صنعتي ځنځيرونو، د برابرونکي ځنځير ثبات او نړيوال سوداګريز نظام ته زيانونه رسولي دي.
د امريکا د فکري ارګان د پيټرسون د نړيوال اقتصاد د څېړنير مرکز لوړ پوړي څېړونکي ګالي حفپار ویلي: د امريکا کړنې نه يوازې د نړيوال سوداګريز پرمختګ لپاره ګټه نه لري، بلکې خپل اقتصاد ته به يې هم زیانونه ورسوي. امريکا په ګردې نړۍ کې د ازادې سوداګرۍ او د پانګونې تړون لارښوونکې نه ده او سوداګرۍ ساتونکې تګلارې يې خپل ځانته ډېر زيانونه رسولي دي. په نږدې راتلونکې کې به نوې ازاده سوداګري رامنځته نه شي. له دې ښکاري چې زموږ زیانونه به د اوس په پرتله خورا زيات وي.
خو د اوکراين کړکېچ په دوام سره امريکا په پر له پسې توګه ور سره پوځي مرستې کړې چې له دې امله د امريکا په دننه کې له حکومت سره د مخالفت اواز راپورته شوی دی.
د ملګرو ملتونو د سرمنشي پخواني لوړ پوړي سلاکار او د امريکا د کلومبيا پوهنتون اقتصادپوه جيفري ساکس وايي: باداري تل د خپل هېواد د ارزښتونو سيستم کليدي برخه ده. امريکا د اوکراين په کړکېچ کې پر اور تيل شيندلي چې موخه يې د جيوپوليتیک لټول دي. د حکومت کړنې يې له ډيموکراسۍ سره هېڅ تړاو نه لري. هغه وويل چې د امريکا سياستوال او لوړ پوړي چارواکي له ډيموکراسۍ سره علاقه نه لري او د علاقې وړ ټکي يې پوځي ځواکونه دي. امريکا د نړۍ په ۸۵ هېوادونو او سیمو کې پوځي اډې جوړې کړې او د ناټو د پراخوالي له لارې يې په تور سمندر، اوکراين او ګرجستان کې خپل سرتيري ځای پر ځای کړي چې دا پر نورو د امريکا باداري کول دي. د اوکراين کړکېچ له ډيموکراسۍ سره تړاو نه لري او ختيځ ته د ناټو پراخوالی د دې بحران سرچينه ده.
د(USA TODAY) په نوم ورځپاڼې ويبپاڼې د خپلې اخیستل شوې نظر سنجۍ نتيجه خپره کړه چې له مخې يې د ډيموکراټانو د ۷۴ سلنې غړو په اند د امریکا ډيموکراسي له ډېرو خطرونو سره مخ ده او جمهوري غوښتونکي ګوند شاوخوا ۷۵ سلنه غړي او ۶۶ سلنه خپلواک شخصيتونه له دې نظر سره موافق دي. نو ډیموکراټان او جمهوري غوښتونکي دواړه د امريکا د راتلونکي ډيموکراسۍ په اړه انديښمن دي.
