د امریکا د فډرالي زېرمې کمېټې په دې وروستيو کې د تېر ۲۰۲۵م کال د درېیمې ربعې يو لړ اقتصادي شمېرې خپرې کړي، چې له مخې يې د دغه هېواد يو سلنه کورنۍ له يو پر درېيمې برخې څخه زياته شتمني ترلاسه کړې، چې دغه شمېر د ۹۰ سلنې د کښته پوړ خلکو له عمومي شتمنۍ سره برابر دی.
دغسې حالت د زوړ پرمختګ په ټولنه کې ډېر ليدل کېږي او ډېری کورنۍ يې د مادياتو په برخه کې ستونزې لري.
په زوړ پرمختګ کې پانګه يوازې د لږو خلکو لاسونو ته غورځي او د کښته پوړ خلک له پرمختګ څخه ګټه نه شي اخيستلی؛ د ګټې د ترلاسه کولو ايکولوژيکي محيط يې ويجاړ شوی وي او عامه خدمتونه ورته يوازې د پانګې ګټې ته په کتو ترسره کېږي، چې په دې سره د خلکو د اساسي تضمين پروګرام نه شي تطبيق کېدای.
که پرمختګ خلکو ته ګټه نه شي رسولی، نو څه اهميت به ولري؟
دا د چين د دولت رئيس شي جين پينګ لپاره تر ټولو اړينه او د علاقې وړ موضوع ده.
شي جين پينګ په ۲۰۱۵م کال کې ويلي وو، چې چين بايد د نوي پرمختګ د مفکورې په رڼا کې وده ومومي او د همدې مفکورې مهم ټکي يې نوښت، همغږي، زرغونتيا، ورخلاصون او شريکې ګټې يادې کړې دي.
د چين حکومت په هر پنځه کلن پلان کې د شي جين پينګ يادې مفکورې ته ځای ورکوي او د عصريتوب لپاره يې ډېره مهمه بولي.
د نوي پرمختګ مفکوره څه ناما لري؟
۱- د نوي پرمختګ مفکوره نوې نظریې لري.
دوديز پرمختګ هميشه د جي ډي پي په زياتوالي کې ځای لري، خو د نوي پرمختګ مفکورې کې بیا نوښت، همغږي، زرغونتيا، ورخلاصون او شريکې ګټې ځای لري او دا د پرمختګ په بهير کې چوکاټي ستونزې هوارولی شي.
دغه پنځه برخې کومې مسئلې حلولی شي؟
نوښت د ټېکنالوژۍ او صنعت د پرمختګ له لارې نوی خوځنده ځواک روزي؛ همغږي د بېلا بېلو سيمو ترمنځ د پرمختګ د نابرابرۍ مسئلې حل هڅوي؛ زرغونتیا د خلکو او طبيعت ترمنځ همغږۍ ته وده ورکوي؛ ورخلاصون د پرمختګ لپاره پراخه فضا برابروي او شريکې ګټې د ټولنې عدالت پياوړی کوي او له ټولو خلکو سره لاسته راوړنې شريکوي.
۲- د نوي پرمختګ مفکوره نوې لارې لري.
دوديزې لارې کې لومړی محيط ککړ کېږي او بيا اداري چارې پکې ترسره کېږي او د سرچينو د زياتو کارولو له لارې پرمختګ مومي. خو د نوي پرمختګ مفکوره د پرمختګ محرکه قوه بدلوي او سرچينې په نوښت بدلوي.
چين د نوښت پر لارې ښه پرمختګ مومي او په ۲۰۱۲م کال کې يې د نړيوال نوښت ګراف په لېست کې ۳۴م ځای درلود، خو اوس یې مقام ۱۰م ته رسېدلی دی.
۳- د نوي پرمختګ مفکوره نوې موخه لري.
د پرمختګ دوديزه موخه هميشه پر پانګې تکیه لري او ګټې يې يوازې لږو خلکو ته رسېږي. خو د نوي پرمختګ مفکوره کې بیا د خلکو ګټو ته لومړيتوب ورکول کېږي او اخري موخه يې دا وي، چې له ټولو خلکو سره د پرمختګ لاسته راوړنې شريکې او ټول په ګډه شتمن شي. د همدې موخې په رڼا کې په چین کې ۱ ميليارډ او ۳۰۰ میليونه کسان د عامې روغتيا له بنسټيزې بيمې څخه برخمن شوي، ۱ ميليارډ او سل ميليونه کسان يې د زړو پالنې له بنسټيزې بيمې څخه برخمن شوي او د خلکو منځنی عمر يې ۷۹ کالونو ته رسیدلی دی.
