د چين د های نان ولايت د ازادې سوداګرۍ بندر لوی پرمختګ موندلی او ډېرې بهرنۍ پانګې يې راجلب کړې دي.
د چين حکومت د جولای په ۲۳مې نېټې اعلان کړی، چې د روان کال د ډسمبر له ۱۸مې نېټې څخه به د های نان د ازادې سوداګرۍ بندر له لارې د صفر تعرفې امتيازي تګلارې پلې شي، چې په دې سره به د های نان او نړۍ ترمنځ تګ راتګ نور هم پراخ شي.
نړيوال د های نان د صفر تعرفې تګلاره د چين د ورخلاصون د پراخوالي يوه نمونه بولي او پر دې اند دي، چې د چين دغه تګلاره به نه يوازې د دغه هېواد اقتصادي پرمختګ وهڅوي، بلکې نړۍ ته به هم ډېر فرصتونه برابر کړي.
د چين د کمونېست ګوند يوولسمې مرکزي کمېټې د ۱۹۷۸م کال د ډسمبر په ۱۸مې نېټې په خپلې درېيمې غونډې کې د اصلاحاتو او ورخلاصون او د سوسياليزم د عصري کېدو پاڼه پرانيستله، چې له همغه وخت راهيسې ۴۷ کالونه تېر شوي دي.
د های نان د ازادې سوداګرۍ بندر به د د کمونېست ګوند د يادې غونډې د ۴۷ کليزې په درشل کې، یعنې د روان ۲۰۲۵م کال د ډسمبر په ۱۸مې نېټې د صفر تعرفې تګلاره پلې کړي او نړۍ ته به ګټور فرصتونه برابر کړي.
د های نان د ازدې سوداګرۍ بندر په داسې حال کې د صفر تعرفې تګلاره پلې کوي، چې په نړۍ کې د ځاني سوداګرۍ د ساتنې غوښتنې ډېرې شوي او د نړيوال اقتصاد د پرمختګ پر وړاندې ډول ډول خنډونه راپورته شوي دي.
د های نان دغه تګلاره به ستر اهميت ولري او نړيوالې اقتصادي چارې په خوځښت راوالي.
د چين د بهرني اقتصاد او سوداګرۍ پوهنتون د نړيوال اقتصاد څېړنيز انسټيټيوټ مشر سان بای چوان رسنيو ته ويلي، چين د لوړې سويې ورخلاصون، د اقتصاد د نړيوال کېدو او د څواړخيزم د پرمخبېولو ټينګ هوډ لري او دا د دې ښکارندويي کوي، چې دغه هېواد به نړيوالو ته د صادراتو او د تجارتي همکاريو فرصتونه برابر کړي او د اقتصاد نړيوال کېدل او د پرانيستي نړيوال اقتصاد ابادي به وهڅوي.
د های نان ولايت د ازادې سوداګرۍ بندر جوړونه د چين يوه مهمه ستراتيژي ده، چې نړۍ ته د دغه هېواد د لوړې سويې د ورخلاصون بڼه څرګندوي.
کله چې د ۲۰۱۸م کال په اپريل کې په های نان ولايت کې د ازادې سوداګرۍ بندر جوړ شو، نو ورپسې اړوندې تګلارې، ميکانيزمونه او سيسټمونه جوړ شول او د تجارت، پانګونې، د پيسو د انتقال، د خلکو د تګ راتګ، د ازاد ټرانسپورټ او د نورو اړوندو معلوماتو په شمول ځينو برخو کې مهمې لاسته راوړنې ترلاسه او د ياد بندر د کارولو لپاره ټينګ بنسټونه جوړ شول.
د يادونې ده، په های نان ټاپو کې د ازادې سوداګرۍ چارې په لوړ نړيوال معيار ترسره کېږي، چې په دې سره د های نان ولايت او نړۍ ترمنځ تګ راتګ نور هم اسانه شوی او د دغه ولايت او د چين د نورو ځايونو ترمنځ اړيکو کې هم ډېرې اسانتياوې رامنځته شوې دي.
های نان به د ګمرکاتو يوه ځانګړې سيمه وګرځي، تګلارې او ميکانيزمونه به يې ډېر روښانه وي او د صفر تعرفې، د تجارت نرمې تګلارې او د موادو د لېږد رالېږد په بهير کې به ډېرې زياتې اسانتياوې ولري او د څار لا موثر موډل به پکې پلی شي.
د اقتصادي چارو شنونکي پر دې اند دي، چې د چين لړيزې تګلارې به د های نان ولايت د اقتصاد د ازادولو کچه پياوړې کړي او په ورته وخت کې به د ورخلاصون او امنيت بېلانس تامين کړي او هم به په دغه ولایت کې د نړيوالو پانګوالو لپاره ښه ميکانيزمونه او شرايط برابر کړي.
های نان ډېرې بهرنۍ پانګې راجلب کړې دي. شمېرې ښيي، های نان ولايت په وروستيو پنځو کالونو کې ۱۰۲ ميليارډه او ۵۰۰ ميليونه یوانه بهرنۍ پانګه راجلب کړې، چې کلنۍ اندازه یې ۱۴ اعشاريه ۶ سلنې ته رسېږي. په همدې مودې کې په ياد ولايت کې ۸۰۹۸ بهرني شرکتونه جوړ شوي او کلنی زياتوالی یې ۴۳ اعشاريه ۷سلنه ښودل شوی دی.
چين د نړۍ د ۸۵ هېوادونو د وګړو لپاره وېزې معاف کړي او های نان ولايت بیا د صفر تعرفې تګلاره غوره کړې، چې دغو دوو چارو چين ته ډېر بهرني سیلانيان ورمات کړي دي.
