د چين د دولت رئيس شي جين پينګ د اکتوبر له ۱۰مې نېټې څخه تر ۱۳مې نېټې پورې د دغه هېواد له جيانګ شي ولايت څخه ليدنه وکړه او په يوه ناسته کې يې د يانګځه سيند د باکيفيته پرمختګ لارښوونې وکړې.
جيانګ شي ولايت د چين په جنوب ختيځ کې د يانګځه سيند د منځنۍ او وروستۍ برخې په جنوبي غاړه کې واقع دی او د يانګځه سيند د اقتصادي کمربند په اوږدو کې مهم ولايت دی. د يانګځه سيند د اقتصادي کمربند پرمختګ د چين د سيمه ييز پرمختګ له ستراتيژيو څخه دی او رئيس شي جين پينګ دې چارې ته په درنه سترګه ګوري. نوموړي له تېرو اتو کلونو راهيسې څلور ځله د يانګځه سيند د اقتصادي کمربند په اړه د ناستو مشري کړې او دې ته يې اشاره کړې، چې دغه اقتصادي کمربند بايد نړيوال شهرت او اغېزه خپله کړي او د چين د ختېځې، منځنۍ او لويديځې سيمې په همغږۍ، پرمختګ او ورخلاصون کې دې رغنده رول ولوبوي او د ايکولوژيک تمدن د ابادۍ نمونوي کمربند په توګه دې پرمختګ وکړي.
زرغون پرمختګ د شي جين پينګ د ايکولوژيک تمدن مفکورې د هستې مقام لري.
نوموړي د يانګځه سيند د اقتصادي کمربند د پرمختګ په چارو کې د ايکولوژۍ خونديتوب ته لومړيتوب ورکړی او ويلي يې دي، د لرې منظر له لحاظه، د دغه اقتصادي کمربند اصلي بسنټ د يانګځه سيند په اوږدو کې د پرتو سيمو ښه ايکولوژيک چاپيريال دی، موږ بايد د صنعتي چارو د جوړښت زرغون اصلاحات او بشپړوالی د تر ټولو مهمې چارې په توګه وټاکو، د زرغونو او ټيټ کاربن ايستنې صنايعو پرمختګ دې چټک کړو، زرغونو ټېکنالوژو او توليداتو ته دې وده ورکړو او په اقتصادي پرمختګ کې دې د زرغون اقتصاد کچه دې لا لوړه کړو.
د يانګځه سيند د اقتصادي کمربند په اوږدو کې ۱۱ ولايتونه موقعيت لري او نفوس او اقتصادي اندازه يې د چين نيمه برخه نيسي. شمېرنه ښيي، د ۲۰۲۳م کال په لومړۍ نيمايي کې د يانګځه سيند د اقتصادي کمربند د ۱۱ ولايتونو د کورنيو توليداتو عمومي ارزښت ۲۷ زره او ۵۹۰ ميليارډو يوانو يعنې شاو خوا ۳ زره او ۷۷۶ ميليارډو امريکايي ډالرو ته رسېدلی او د چين د کورنيو توليداتو په عمومي ارزښت کې يې ۴۶ اعشاريه ۸ سلنه برخه نيولې ده.
شي جين پينګ له جيانګ شي ولايت څخه د ليدنې په ترڅ کې وويل، دغه ولايت بايد د نويو برخو او نويو صنعتي چارو د مخکښو او مرکزي ټېکنالوژو د څېړنو په برخه کې فعال او ابتکاري ترتیبات وکړي، د توليدي صنعت په برخه کې دې د سيالۍ غښتلی توان لا پياوړی کړي. د ستراتيژيک ارزښت لرونکو نويو صنايعو ته دې چټک پرمختګ ورکړي او د غوره صنعتي ځنځير د غزولو او د نويو چارو د صنعتي ځنځير د جوړولو لپاره دې هڅې وکړي.
د کلتور د ساتنې او پرمختګ له پروژو څخه ليدنه د رئيس شي جين پينګ د دغه سفر يوه بله مهمه برخه ده. نوموړي وويل، چې د يانګځه سيند د کلتور خونديتوب او پرمختګ د دغه اقتصادي کمربند د ودې له مهمو موضوعاتو څخه دی.
د ۲۰۲۱م کال په پای کې د يانګځه سيند د ملي کلتوري پارک جوړونه پېل شوې. رئيس شي جين پينګ د جيانګ شي ولايت له جيو جيانګ ښار څخه د ليدنې په ترڅ کې په ځانګړۍ توګه په دغه ښار کې د نوموړي پارک برخې ته ولاړ او هلته يې د دغې پارک د پروژې او د يانګځه سيند په غاړو د پرتو سيمو د ايکلوژيک چاپيريال د ښه والي وضعيت په اړه معلومات تر لاسه کړل. نوموړي وويل، چې يانګځه سيند د چيني ملت او چيني تمدن يوه نمونه ده او بايد په ښه توګه وساتل شي.
بر سېره پر دې، رئيس شي جين پينګ هم د جيانګ شي ولايت جنګ ده جن ښار ته ولاړ. دغه ښار په چين کې د چيني باب د زر کلن ښارګوټي په نوم ياديږي او چيني لوښې يې په دغه هېواد او نړۍ کې ډېر شهرت لري. شي جين پينګ وويل، چې چيني باب د چيني تمدن د پېژندنې کارډ دی او د چيني باب د صنعت د پراخوالي او پرمختګ لپاره دې د ډيزاين، څېړنې او توليد نوښت لا پياوړی شي.
