ارجنټاين د جون په ۳۰مه نېټه د ژن مين بين يوانو په استعمال د پيسو نړيوال صندوق د ۲ ميليارډو او ۷۰۰ ميليونو امريکايي ډالرو پور پرې کړی، چې د دغه پور د پای نېټه په همدې ورځ وه. دا لومړی ځل دی، چې ارجنټاین د ژن مين بي يوانو له لارې بهرنی پور بېرته ورکړی. له دې نه يوه ورځ مخکې، د ارجنټاين مرکزي بانک اعلان کړی، چې ژمن مين بي يوان د دغه هېواد په بانکي سيستم کې د منلو وړ پيسو په لېست کې شامل شوی او کورنيو پولي ارګانونو ته يې اجازه ورکړې، چې د ژمن مين بي يوانو د پس انداز حساب پرانیزي. د ارجنټاين د مرکزي بانک مشر ميګويل انګيل پيسي ويلي، چې دغه هېواد د نړۍ د نورو ډېرو هېوادونو په شان د ژن مين بي يوانو د نړيوال کېدو په اړه خوشبينه او مثبته رويه لري.
د چين او ارجنټاين ترمنځ پولي همکارۍ له سږکال له پيل راهيسې چټک پرمختګ کړی. ارجنټاين په تېر اپرېل کې له ژن مين بي يوانو څخه په استفادې له چين څخه توليدات وارد کړي، د جون په پيل کې يې له چين سره د ۱۳۰ ميليارډو يوانو په ارزښت د پيسو د تبادلې تړون لاسليک کړی او د ژن مين بي يوانو د ازادې استفادې کمه اندازه يې له ۳۵ ميليارډو يوانو څخه ۷۰ ميليارډو يوانو ته لوړه کړې. د ارجنټاين د اسهامو ملي کمېټې پر ژن مين بي يوانو د سهامي توليداتو پلورل منظور کړي.
د چين او ارجنټاين ترمنځ د پولي همکاريو پياوړتيا د دواړو خواوو د سالمو اقتصادي او سوداګريزو اړيکو څرګندويي کوي. چين اوس د ارجنټاين ډېر مهم سوداګريز ملګری دی. د دواړو هېوادونو ترمنځ د سوداګرۍ ارزښت په ۲۰۲۲م کال کې په لومړي ځل له ۲۰ ميليارډو امريکايي ډالرو څخه اوښتی او ۲۱ ميليارډه او ۳۷۰ ميليونو امريکايي ډالرو ته رسېدلی دی. د دواړو هېوادونو تصدۍ په دوه اړخيزه سوداګرۍ او پانګونه کې د بازار خپلواک انتخاب ته د درناوي په اساس د ځايي مروجو پيسو د تاديې د زياتوالي له لارې د پیسو د تبادلې لګښتونه او ننګونې کمولی شي، چې دا د دوه اړخيزې سوداګرۍ لپاره ګټوره ده.
د چين او ارجنټاين ترمنځ پولي همکارۍ د ګډو ګټو پر بنسټ ټينګې شوې. ارجنټاين د خپلې بېړنۍ مسئلې د حل لپاره د ژن مين بي يوانو استعمال ته اړتيا لري، ځکه دغه هېواد له تېرو څو کلونو راهيسې د امريکايي ډالرو له کمبود سره مخ دی. د ۲۰۲۲م کال تر پايه پر ارجنټاين د بهرنيو پورونو اندازه ۲۷۶ مليارډه او ۷۰۰ ميليونو امريکايي ډالرو ته رسېدلې، خو دغه هېواد يوازې ۴۴ مليارډه او ۶۰۰ مليونه امريکايي ډالره زېرمه شوي بهرني اسعار لري. د ژن من بين يوانو استعمال د ارجنټاين لپاره زیاته اندازه امريکايي ډالره سپمولي او د اقتصاد فعاله کچه يې لوړلی شي.
د ځايي مروجو پيسو تبادله د چين لپاره هم ګټوره ده. د شمېرنې له مخې، د سږکال په اپرېل او مې مياشتو کې د ژن مين بي په تاديه له ارجنټاين څخه د وارداتو ارزښت د چين د دغو دوو مياشتو په عمومي وارداتي ارزښت کې ۱۹ سلنه برخه ونيوله. د اټکل له مخې، ارجنټاين به د سږکال له مې میاشتې څخه د چين د صادراتي توليداتو د اخيستلو لپاره له نږدې ۷۹۰ ميليونو څخه تر يو ميليارډو امريکايي ډالرو په ارزښت ژن مين بي يوانه تاديه کړي. د ژن مين بي يوانو تاديه ارجنټاين ته د چين صادرات تامينولی شي او د ارجنټاين اقتصادي وضعيت ثبات د دواړو هېوادونو ترمنځ د اقتصادي او سوداګريزو همکاريو ضروري شرط دی.
د لرې پس منظر له لحاظه، د چين او ارجنټاين ترمنځ د پولي همکاريو پياوړتيا به د دوه اړخيز ارزښت په پرتله لا ژوره اغېزه ولري. ارجنټاين له اوږدې مودې راهيسې د بهرنيو پورونو مسئلې خراب کړی، چې د امريکايي ډالرو باداري د دې مسئلې سبب ده. پر امريکايي ډالرو د تکيې د کچې ټيټوالی د امريکايي ډالرو د بادارۍ ختمولو لپاره د ارجنټاين مهم ګام دی.
ارجنټاين د لاتيني امريکا درېيم لوی اقتصاد دی او کړنې يې د دې سميې د نورو هېوادونو لپاره يوه ښه بېلګه جوړه کړې ده. د برازيل او ارجنټاين په شمول د ځينو هېوادونو تر هڅونې لاندې د لاتيني امريکا نورو هېوادونو پر امريکايي ډالرو د تکيې څخه د ډډه کولو پلان وړاندې کړی. له دې څخه د زياتو پرمختيايي هېوادونو هغه هيله څرګنده شوې، چې د پولي چارو متنوعيت او خپلواک پرمختګ غواړي.
