د چین د کمونېست ګوند د مرکزي کمېټې عمومي منشي او دولت رئیس شي جين پينګ د جون له ۸مې نېټې څخه تر ۹مې نېټې پورې له کوریا ډیموکراتیک ولسي جمهوریت څخه رسمي لیدنه وکړه.
دا په روان کال کې بهر ته د نوموړي لومړی سفر و او تر ۷ کلن ځنډ وروسته يې له ډیموکراتیکې کوریا څخه رسمي لیدنه وکړه.
شي جین پینګ د دې سفر په ترڅ کې له کیم جون اون سره د چین او ډیموکراتیکې کوریا دودیزه دوستي یاده کړې او ځينې هوکړې یې ورسره کړې دي.
دواړو سیالانو د چين او ډیموکراتیکې کوریا د اړیکو پر پرمختیا د نظریو تبادلې کړي، په نوې زمانې کې د خپلمنځي اړیکو لوری يې پياوړی او ستراتيژیکې لارښوونې یې کړي او مهمې اجماع ته رسیدلي دي.
دواړو سیالانو هوکړه کړې، چې د سوسیالیزم د برخلیک او راتلونکي ته په کتو او د زمانې له تمایل او د خلکو ګډو امیدو سره سم به خپلمنځي لوړ پوړی تګ راتګ پیاوړی کړي، ستراتیژیکې تبادلې به ژورې او عملي همکارۍ به پراخې کړي، د خلکو ترمنځ تفاهم به زیات کړي، د چین او ډیموکراتیکې کوریا د اړیکو د لوړې سویې ټینګښت به وهڅوي، د سوسیالیزم روښانه راتلونکی به جوړ کړي او د انساني ټولنې پرمختګ به وهڅوي.
سږ کال د چين او ډيموکراتيکې کوريا ترمنځ د دوستانه همکاريو او مرستو د تړون د لاسليک له ۶۵ مې کاليزې سره برابر دی او اړیکې يې د تاريخ نوي پړاو ته داخلې شوې دي.
شي جين پینګ ډیموکراتیکې کوریا ته د سفر په ترڅ کې د دواړو هېوادونو د اړیکو د ټینګښت په اړه څلور وړاندیزونه کړي دي.
نوموړي ويلي، چين او ډيموکراتيکه کوریا دې د لوړپوړي تګ راتګ له لارې د متقابل سیاسي باور بنسټ ټينګ کړي، خلکو ته د ګټو رسولو په موخه دې د خپلمنځي اغېزمنو همکاريو سویه لوړه او د دوستۍ د پراختیا له لارې دې د دواړو هېوادونو د خلکو ترمنځ تفاهم پیاوړی کړي او د عدالت او مساواتو په نظر کې نيولو سره دې د ستراتيژیکو همکاریو منځپانګه نوره هم زیاته کړي.
دغه څلور وړاندیزونه د چين او ډيموکراتيکې کوريا د دولتونو او ګوندونو د اړیکو ټينګښت پياوړی کولی شي، د انسانانو د تاریخي پرمختګ له فرصتونو څخه په استفادې خپلمنځي دودیزې دوستۍ ته د زمانې نوې محتوا او پياوړی حیاتي ځواک او د دواړو هېوادونو د لوړې سویې پرمختګ لپاره فکري لارښوونې او عملي لارې چارې برابرولی شي.
د چین او ډیموکراتیکې کوریا د مشرانو لارښوونې د دواړو هېوادونو په اړیکو کې تر ټولو لوی غوره والی دی.
تاریخ ته په کتو، د چین او ډیموکراتیکې کوریا پخوانیو مشرانو یو له بل سره ډېره ښه راشه درشه کړې او نږدې اړيکې يې ساتلې دي.
شي جين پينګ او کیم جون اون په دې وروستیو کلونو کې څو ځلې لیدنې کړي، نږدې ستراتیژیکې تبادلې یې ساتلي او د دواړو هېوادونو د اړیکو د ټینګښت پلان یې ټاکلی دی.
عملي همکارۍ د چین او ډیموکراتیکې کوریا د اړیکو د ټینګښت مهم خوځنده ځواک بلل کېږي.
تمه ده، دواړه هېوادونه د نویو فرصتونو په کارونې سره د اقتصاد او سوداګرۍ، کرنې، ساختمانۍ، ټکنالوژۍ او طبي چارو په شمول ځینو برخو کې همکارۍ نورې هم پراخې کړي، د خلکو ترمنځ تګ راتګ زیات او د خپلمنځي همکاريو بالقوه ځواک ښکاره کړي او د دواړو هېوادونو خلکو ته زیاتې ګټې ورسوي.
د ګډ برخلیک پر اساس دودیزه دوستي د چین او ډیموکراتیکې کوریا د اړیکو د ټینګښت ژور بنسټ دی.
د چین او ډیموکراتیکې کوریا پخوانيو اتلانو او قربانیانو خپلې وينې بهولي او ان خپل خوږ ژوند يې قربان کړی، خو د دواړو هېوادونو د خلکو ترمنځ عنعنوي دوستي یې ساتلې او خپلمنځي اړيکې يې د زمانو له توپانونو او بدلونونو سره سره ساتلې دي.
باکيفیته ستراتیژیکې همکارۍ د چین او ډیموکراتیکې کوریا د نوې زمانې د اړیکو منځپانګه ده.
دواړه هېوادونه به خپلمنځي ستراتیژیکه همغږي پیاوړې کړي او د خپل حاکمیت، امنیت او د پرمختګ ګټې او د سیمې سوله او ابادي به وساتي.
