د چین د شن جن ښار شه کو بندر په دې وروستیو کې د بهرنيو سیلانيانو پرمخ پرانیستل شوی دی.
دا د چين لومړی سمندري بندر دی، چې نړيوال سوداګر او سيلانيان پرې دغه هېواد ته بې له ویزې تګ راتګ کولی شي.
څو ورځې مخکې د ارجنټاین، چیلي او برازیل د سوداګرو يوه ډله د همدې بندر له لارې چین ته پرته له ویزې داخله شوه. پخوا به چين ته د بهرنيانو د ورتګ پروسه په ۲ نيمو ساعتونو کې بشپړه کېده، خو اوس له ۳۰ دقیقو څخه هم په کمه موده کې ترسره کېږي.
اوس د چین هغه پالیسي، چې بهرنيان پرته له ویزې دغه هېواد ته سفر کولی شي، نه یوازې په هوایي ډګرونو، بلکې په بندرونو کې هم پلې کېږي او د بهرنیو او چيني سوداګرو د چارو د پرمختګ لپاره يې ډېرې اسانتیاوې برابرې کړې دي.
د چین حکومت په تېرو ۵ کلونو، یعنې د ۱۴م پنځه کلن پلان په موده کې، د نړیوالو تبادلو لپاره پرته له ويزې دغه هېواد ته د تګ دوامدارې پالیسۍ غوره کړې دي.
چین د نړۍ د ۷۵ هېوادونو لپاره په یو یا دوه اړخیز ډول پرته له ویزې د تګ راتګ پالیسۍ غوره کړي او د هغو هېوادونو شمېر، چې وګړي يې بې له ترانزيټي وېزې پرته چين ته داخلېدای شي، ۵۵ ته پورته کړی او په دغه هېواد د بهرنیانو د پاتې کېدو موده يې ۲۴۰ ساعتونو ته غځولې ده.
د فرانسې د پروفیس ټېکنالوژۍ شرکت اجرائیوي مشر لوکا رسنيو ته ويلي، چې د چين يادې پالیسۍ د دوی د شرکت د چارو موثریت لوړ کړی او اوس کولی شي، چې په لنډ وخت کې مهالويش جوړ کړي، غونډې تنظیم او له همکارانو سره اړیکې پیاوړې کړي او بازار ته په چټکۍ رسیدګي وکړي.
نوموړي ويلي، شرکت به يې په چین کې خپلې وړتياوې وښيي او ټول ټيم يې همدې ته سترګې په لار دی.
چين په تېرو ۵ کلونو او په تېره بیا د ۲۰۲۳م کال له پای راهیسې، د ويزې پالیسي ګام په ګام نوې کړي او د بهرنيو سیلانيانو او سوداګرو لپاره یې اسانتياوې برابرې کړې دي او په ټوله کې د بهرنيانو غوښتنې يې پکې منعکس کړې دي. دا د چین د ورخلاصون د پراخولو لپاره د د دغه هېواد د دوامدارو هڅو ښکارندويي کوي.
د چین د نړیوالې سوداګرۍ او اقتصاد پوهنتون د نړیوال نوښت او حکومتولۍ انسټیټیوټ اجرائیوي مشر لو وايي، چې د چین د ویزې پالیسۍ د دغه هېواد د خدماتي سوداګرۍ وده ګړندۍ کړې او هم يې نړۍ ته ډېرې ګټې او فرصتونه برابر کړي دي.
شمېرې ښيي، په تېر ۲۰۲۴م کال کې څه د پاسه ۲۶ میلیونو او ۹۴۰ زرو بهرنيو سیلانیانو چین ته سفرونه کړي، چې دا د ۲۰۲۳م کال په پرتله ۹۶ سلنه زیاتوالی ښيي.
د چين د وېزې تګلارې نه یوازې د سیلانۍ چارې ګړندۍ کړي، بلکې اقتصادي او سوداګريز پرمختګ ته يې هم پراخې ګټې رسولې دي.
چين په تېرو ۵ کلونو کې د نړیوال وارداتي نندارتون او د مصرفي توکو نړيوال نندارتون په څېر د لویو نندارتونونو کوربتوب کړی، چې په کوردننه او بهر ډېر سوداګر او نندارچیان يې راجلب کړي دي.
د جاپان د اسټیلاس فارما شرکت مشرې جاو پینګ رسنيو ته ويلي، چې شرکت يې په دې وروستیو کې د چین د حکومت قوي ملاتړ ترلاسه کړی او په دغه هېواد کې یې د خپل شرکت پر چټک پرمختګ باور نور هم پياوړی شوی دی.
د پرسونل زیاتوالی د تمدنونو تبادلې او متقابلې زده کړې ته طبیعي وده ورکوي.
چين په دې وروستیو کلونو کې نړيوالو ته غوره پاليسۍ وړاندې کړي او نړيوالو هم څواړخیز چین پیژندلی او منلی دی. ډېری انټرنېت کاروونکي په دې باور دي، چې د چین ورخلاصون، ټولشمولوالی، نوښتګر پرمختګ او توده میلمه پالنه د چيني کلتور ښکارندويي کوي او د یو لوی هېواد بڼه ترې ښکاري.
د پیو څېړنیز مرکز د يوې سروې پایله، چې د جولای په نیمایي کې يې خپره کړې، ښيي، چې له تېر کال راهیسې په نړۍ کې د چین په اړه د خوښې او رضايت نظرونه زیات شوي دي. د دغې سروې په ۲۵ برخوالو هېوادونو کې له چين سره د ۱۵ هېوادونو د خلکو د محبوبيت کچه لوړه شوې ده.
د سروې پايله ښيي، چې د لوړ عاید لرونکو هېوادونو په منځ کې د چین په اړه د مثبت نظر لرونکو شمېر ۳۲ سلنې ته رسېدلی، چې دا په تېرو ۶ کلونو کې تر ټولو لوړه کچه ده.
چين به په راتلونکو ۵ کلونو کې د بهرنیانو لپاره نورې اسانتياوې هم برابرې کړي، چې دغه هېواد ته سفرونه وکړي او له نږدې یې وګوري.
د چین پرمختګ له نړۍ څخه نه شي جلا کېدای او د نړۍ سمسورتیا هم چین ته اړتیا لري او دا به وخت ثابته کړي.
د چین د شن جن ښار شه کو بندر په دې وروستیو کې د بهرنيو سیلانيانو پرمخ پرانیستل شوی دی.
دا د چين لومړی سمندري بندر دی، چې نړيوال سوداګر او سيلانيان پرې دغه هېواد ته بې له ویزې تګ راتګ کولی شي.
څو ورځې مخکې د ارجنټاین، چیلي او برازیل د سوداګرو يوه ډله د همدې بندر له لارې چین ته پرته له ویزې داخله شوه. پخوا به چين ته د بهرنيانو د ورتګ پروسه په ۲ نيمو ساعتونو کې بشپړه کېده، خو اوس له ۳۰ دقیقو څخه هم په کمه موده کې ترسره کېږي.
اوس د چین هغه پالیسي، چې بهرنيان پرته له ویزې دغه هېواد ته سفر کولی شي، نه یوازې په هوایي ډګرونو، بلکې په بندرونو کې هم پلې کېږي او د بهرنیو او چيني سوداګرو د چارو د پرمختګ لپاره يې ډېرې اسانتیاوې برابرې کړې دي.
د چین حکومت په تېرو ۵ کلونو، یعنې د ۱۴م پنځه کلن پلان په موده کې، د نړیوالو تبادلو لپاره پرته له ويزې دغه هېواد ته د تګ دوامدارې پالیسۍ غوره کړې دي.
چین د نړۍ د ۷۵ هېوادونو لپاره په یو یا دوه اړخیز ډول پرته له ویزې د تګ راتګ پالیسۍ غوره کړي او د هغو هېوادونو شمېر، چې وګړي يې بې له ترانزيټي وېزې پرته چين ته داخلېدای شي، ۵۵ ته پورته کړی او په دغه هېواد د بهرنیانو د پاتې کېدو موده يې ۲۴۰ ساعتونو ته غځولې ده.
د فرانسې د پروفیس ټېکنالوژۍ شرکت اجرائیوي مشر لوکا رسنيو ته ويلي، چې د چين يادې پالیسۍ د دوی د شرکت د چارو موثریت لوړ کړی او اوس کولی شي، چې په لنډ وخت کې مهالويش جوړ کړي، غونډې تنظیم او له همکارانو سره اړیکې پیاوړې کړي او بازار ته په چټکۍ رسیدګي وکړي.
نوموړي ويلي، شرکت به يې په چین کې خپلې وړتياوې وښيي او ټول ټيم يې همدې ته سترګې په لار دی.
چين په تېرو ۵ کلونو او په تېره بیا د ۲۰۲۳م کال له پای راهیسې، د ويزې پالیسي ګام په ګام نوې کړي او د بهرنيو سیلانيانو او سوداګرو لپاره یې اسانتياوې برابرې کړې دي او په ټوله کې د بهرنيانو غوښتنې يې پکې منعکس کړې دي. دا د چین د ورخلاصون د پراخولو لپاره د د دغه هېواد د دوامدارو هڅو ښکارندويي کوي.
د چین د نړیوالې سوداګرۍ او اقتصاد پوهنتون د نړیوال نوښت او حکومتولۍ انسټیټیوټ اجرائیوي مشر لو وايي، چې د چین د ویزې پالیسۍ د دغه هېواد د خدماتي سوداګرۍ وده ګړندۍ کړې او هم يې نړۍ ته ډېرې ګټې او فرصتونه برابر کړي دي.
شمېرې ښيي، په تېر ۲۰۲۴م کال کې څه د پاسه ۲۶ میلیونو او ۹۴۰ زرو بهرنيو سیلانیانو چین ته سفرونه کړي، چې دا د ۲۰۲۳م کال په پرتله ۹۶ سلنه زیاتوالی ښيي.
د چين د وېزې تګلارې نه یوازې د سیلانۍ چارې ګړندۍ کړي، بلکې اقتصادي او سوداګريز پرمختګ ته يې هم پراخې ګټې رسولې دي.
چين په تېرو ۵ کلونو کې د نړیوال وارداتي نندارتون او د مصرفي توکو نړيوال نندارتون په څېر د لویو نندارتونونو کوربتوب کړی، چې په کوردننه او بهر ډېر سوداګر او نندارچیان يې راجلب کړي دي.
د جاپان د اسټیلاس فارما شرکت مشرې جاو پینګ رسنيو ته ويلي، چې شرکت يې په دې وروستیو کې د چین د حکومت قوي ملاتړ ترلاسه کړی او په دغه هېواد کې یې د خپل شرکت پر چټک پرمختګ باور نور هم پياوړی شوی دی.
د پرسونل زیاتوالی د تمدنونو تبادلې او متقابلې زده کړې ته طبیعي وده ورکوي.
چين په دې وروستیو کلونو کې نړيوالو ته غوره پاليسۍ وړاندې کړي او نړيوالو هم څواړخیز چین پیژندلی او منلی دی. ډېری انټرنېت کاروونکي په دې باور دي، چې د چین ورخلاصون، ټولشمولوالی، نوښتګر پرمختګ او توده میلمه پالنه د چيني کلتور ښکارندويي کوي او د یو لوی هېواد بڼه ترې ښکاري.
د پیو څېړنیز مرکز د يوې سروې پایله، چې د جولای په نیمایي کې يې خپره کړې، ښيي، چې له تېر کال راهیسې په نړۍ کې د چین په اړه د خوښې او رضايت نظرونه زیات شوي دي. د دغې سروې په ۲۵ برخوالو هېوادونو کې له چين سره د ۱۵ هېوادونو د خلکو د محبوبيت کچه لوړه شوې ده.
د سروې پايله ښيي، چې د لوړ عاید لرونکو هېوادونو په منځ کې د چین په اړه د مثبت نظر لرونکو شمېر ۳۲ سلنې ته رسېدلی، چې دا په تېرو ۶ کلونو کې تر ټولو لوړه کچه ده.
چين به په راتلونکو ۵ کلونو کې د بهرنیانو لپاره نورې اسانتياوې هم برابرې کړي، چې دغه هېواد ته سفرونه وکړي او له نږدې یې وګوري.
د چین پرمختګ له نړۍ څخه نه شي جلا کېدای او د نړۍ سمسورتیا هم چین ته اړتیا لري او دا به وخت ثابته کړي.
