د ۲۰۲۶ کال د مصنوعي ځیرکتیا نړیواله غونډه او د مصنوعي ځيرکتيا د نړيوالې حکومتولۍ لوړپوړې غونډه د جولای له ۱۷مې نېټې څخه تر ۲۰مې نېټې پورې د چین په شانګهای ښار کې ترسره کېږي. د چین د دولت رئیس شي جین پینګ د روانې میاشتې په ۱۷مه نېټه د غونډې د پرانیستې په مراسمو کې ګډون وکړ او یوه وینا یې وکړه چې د مصنوعي ځيرکتیا د نړيوالې حکومتولۍ د عادلانه نړیوال سیسټم د جوړولو په اړه یې ۴ فقره يیز وړاندیز وکړ. د هغه وینا د مصنوعي ځیرکتیا د پرمختګ له امله رامنځته شویو پوښتنو ته په ژوره توګه ځواب ووایه، د نړیوال مصنوعي ځيرکتیا د حکومتولۍ سیسټم د جوړولو لپاره یې لاره هواره کړه او د ګډونوالو میلمنو او نړیوالې ټولنې پراخ مثبت نظرونه يې ترلاسه کړل.
د عامه افکارو په اند، د رئیس شي جين پینګ له خوا وړاندې شوې چيني لایحه او د مصنوعي ځیرکتیا په اړه د چین تګلارې د ټول سکتور لپاره لاره هواره کړې او په نړۍ کې هرڅوک به له دې څخه ګټه تر لاسه کړي. چین تر کنټرول لاندې د مصنوعي ځیرکتیا د جامع او ښه استعمال ملاتړ کوي چې د یو مسؤلیت پذیر هېواد رويه ښکاره کېږي. په یاده غونډه کې د ۲۰۲۶ کال د مصنوعتي ځیرکتیا د نړیوالې غونډې او د مصنوعي ځيرکتيا د نړيوالې حکومتولۍ لوړپوړې غونډې ګډه رئیسه اعلامیه خپره شوه او د مصنوعي ځيرکتیا په برخه کې د همکارۍ او پرمختګ عملي پلان خپور شو. د غونډې یو لړ ښې پایلې د مصنوعي ځیرکتیا د نړیوال پرمختګ او حکومتدارۍ په اړه د غونډې د ټولو ګډون کوونکو اجماع منعکس کوي .
ولې یاده غونډه د پام وړ ګرځېدلې ده ؟ له یوې خوا، مصنوعي ځیرکتیا د نړیوالې اقتصادي ودې لپاره د یو نوي محرک په توګه د بشري اقتصادي او ټولنیز پرمختګ لپاره بې ساري تاریخي فرصتونه راوړي. له بلې خوا، د مصنوعي ځیرکتیا د ناوړه کارولو خطرونه ورځ تر بلې زیات څرګندېږي. په دې مهم تاریخي پړاو کې، په شانګهای کې د ګڼ شمېر هېوادونو د مشرانو، حکومتي مشرانو او د نړیوالو سازمانونو د مشرانو راټولیدل د دې بحث لپاره چې څنګه په نړیواله کچه د مصنوعي ځیرکتیا مثبت او ټول شموله پرمختګ ته وده ورکړي، ستر اهمیت لري.
د چین د دولت رئیس شي جين پينګ په خپله وینا کې وویل، موږ باید د نوښتګر پرمختګ د پرمخبیولو لپاره پر ورخلاصون ټینګار وکړو او د ګډې ګټې پر بنسټ همکارۍ وکړو، د خوندیتوب او کنټرول ډاډمن کولو لپاره د خطر پېژندل پیاوړي کړو، د تمدنونو ترمنځ متقابلې زده کړې او جامعیت وهڅوو او د نړیوالې حکومتدارۍ د بشپړولو لپاره د ګډو هڅو ملاتړ وکړو. د څېړونکو په اند، دا ۴ ټکي په هراړخیز او سیستماتیک ډول د پرمختګ، امنیت، تمدن او حکومتدارۍ په برخو کې د مصنوعي ځيرکتیا د نړیوالې حکومتدارۍ په اړه د چین مفکورې او وړاندیزونه تشریح کوي، په روښانه توګه د خلکو په مرکزیت د مثبت ارزښتونو اصلي بڼه بیانوي او په قوي توګه به د مصنوعي ځيرکتیا د نړیوالې حکومتدارۍ لارښوونه وکړي.
