د کابل په بګرامیو کې څه باندې ۶۹ جریبه ځمکه امارتي تثبیت شوه

د عدلیې وزارت ویاند برکت‌الله رسولي وایي، د کابل د بګرامیو ولسوالۍ د کمري کلي اړوند د «احسان مېنې» ښارګوټي څه باندې ۶۹ جریبه ځمکه امارتي تثبیت شوه. د رسولي په وینا، اختصاصي محکمې د څه باندې ۳۶۴ جریبه ځمکې د اسنادو او مدارکو له څېړلو وروسته، د شرعي حکم پر بنسټ ۶۹.۴۵ جریبه ځمکه امارتي تثبیت کړې ده. دغه وزارت ویلي چې د ځمکو د غصب د مخنیوي او د غصب شوو ځمکو د استرداد کمېسیون د هېواد په کچه ټول ښارګوټي تر بررسۍ لاندې نیولي چې ځینې یې امارتي تثبیت شوي او د نورو ښارګوټو پر دوسیو هم کار روان دی.