روسیې او چین؛ د امریکايي بندیزونو پر وړاندې د ایران د ملاتړ ژمنه کړې

روسیې او چین ویلي چې د امریکا د راتلونکو بندیزونو پر وړاندې د ایران ملاتړ کوي. د روسیې د بهرنیو چارو وزیر سرګي لاوروف له خپل چینايي سیال وانګ یې سره په ګډه پرېکړه کړې چې د ایران د ساتنې لپاره به د ملګرو ملتونو په نړیوال سازمان کې نوې قضیه پرانیزي. دوی به د ملګرو ملتونو له امنیت شورا غواړي چې د امریکا په غوښتنه دې پر ایران لرې شوي بندیزونه بېرته نه راګرځوي. امریکا د ملګرو ملتونو امنیت شورا ته ویلي چې ژر تر ژره دې پر ایران د اټومي هوکړې له امله لرې شوي بندیزونه بېرته وضع کړي او که دا کار و نه کړي نو امریکا به خپل بندیزونه پر ایران لا سخته او ډېر کړي. اوس تازه روسیې او چین ویلي چې دوی به د ایران په ملاتړ د امریکا د غوښتنو پر وړاندې ودرېږي.