رویټرز: کاناډا پر امریکايي توکو متقابلې تعرفې لګوي

د رویټرز خبري اژانس د راپور له مخې، د کاناډا لومړي وزیر مارک کارني ویلي چې هېواد یې د امریکا د ۵۰ سلنې تعرفو په غبرګون کې پر یو شمېر امریکايي توکو متقابلې تعرفې لګوي.  د کارني په وینا، دغه تعرفې به د سپټمبر له اتمې نېټې څخه پر فولادو، برېښنايي وسایلو او یو شمېر نورو امریکايي محصولاتو ولګېږي. دا پرېکړه وروسته له هغې شوې چې د امریکا او کاناډا ترمنځ سوداګریزې خبرې د جمعې په ورځ پرته له هوکړې پای ته ورسېدې. د امریکا ۵۰ سلنه تعرفې د کاناډا پر شاوخوا ۲۰ میلیارد ډالرو ارزښت لرونکو صادراتو عملي شوې دي.