شمالي کوریا په دوو ورځو کې دویم تر غږ چټک بالستیک توغندی ازمویلی دی. د شمالي کوریا دولتي رسنیو ویلي دوی په بریالۍ توګه تر غږ چټک یا هایپر سونیک بالسټیک توغندی ازمویلی او خپل هدف یې په نښه کړی دی.
د شمالي کوریا چارواکو ویلي دوی د خپلو وسلو د پیاوړي کولو لپاره هڅو ته ادامه ورکوي.
شمالي کوریا وړمه ورځ هم یو ناپېژندل شوی توغندی ازمویلی و، خو اوس حکومتي رسنۍ وایي چې هغه هم بالستیک تر غږ چټک توغندی و او ازمویښت یې بریالی و. تازه ازمویښتونو د جنوبي کوریا او جاپان غبرګونونه هم له ځان سره لرلي دي.
