په فرانسه کې ولسمشریزې ټاکنې دویم پړاو ته تللې دي. په لومړي پړاو کې دوولسو نوماندانو رقابت وکړ چې اته نارینه او څلور یې ښځینه وو. په لومړي دور کې ایمانویل مکرون د ۲۸ سلنې او مارین لوپین د ۲۱ سلنې رایو په اخیستو بریالي راووتل.
د فرانسې د قوانینو له مخې که هېڅ نوماند په لومړي دور کې د اچول شوو رایو پنځوس سلنه یې تر لاسه نه کړي ټاکنې دویم پړاو ته ځي.
په دویم پړاو ټاکنو کې به مکرون او لوپین سیالي کوي. د فرانسې ولسمشریزې ټاکنې پرون ترسره شوې او دویم پړاو ټاکنې به هم ژر پیلېږي چې دواړه مخکښ نوماندان به پکې سیالي کوي.
