د چين د خلکو د ازادۍ بښونکي پوځ د ختيځې جنګي سيمې ډلې د اکتوبر په ۱۴مې نېټې ځمکني، سمندري او هوايي ځواکونه تنظيم کړي او د تايوان تنګي، د تايوان ټاپو په شمال، جنوب او ختيځ کې يې د (ګډې تورې-۲۰۲۴B) نظامي تمرين ترسره کړی او ايتلافي توان یې ښودلی دی.
د لياو نينګ په نوم الوتکه وړونکو بيړيو ډلې هم په دغه تمرين کې برخه اخيستې وه او له چین څخه د تايوان د بېلتون غوښتونکو کړنو ته یې ټینګ غبرګون ښودلی دی. چين دغه تمرين د خپل ملي حاکميت او د هېواد د يووالي عادلانه او اړين فعاليت بللی دی.
د تايوان سيمې د ادارې مشر لای چينګده له چین څخه د تایوان د بېلتون غوښتونکي او د سولې خرابوونکي کس په توګه د اکتوبر په لسمې نېټې د دوو هېوادونو نوې نظريه په سيسټماټيک ډول بيان کړې او د چين د مرکزي حکومت پر وړاندې يې د مقابلې فکر او لمسوونکې نظريې راپارولې دي، چې له امله یې د تايوان تنګي د دواړو غاړو ترينګلي حالات نور هم سخت شوي او د دغه تنګي سولې او ثبات ته يې زيان رسولی دی. نوموړي له چین څخه د تایوان د جلا کېدو يا بېلتون په موخه پاروونکې کړنې ترسره کړي او سترې برخې يې پر وړاندې قانوني او معقوله مقابله کړې ده.
د لای چينګده وينا پر دروغو متمرکزه وه او د تایوان سیمه یې زيانمنه کړې ده. نوموړی غواړي چين تجزیه کړي او د بېلتون نظريې يې د نظامونو د سیالۍ په بڼه خپرې کړي، د ډيموکراسۍ د مبارزې جعلي نظريې يې پورته کړي او په نړيوال ډيموکراتيک ځنځير کې یې د خپل کليدي مقام د ثابتولو لپاره خبرې کړې دي. د چين ستره برخه د تايوان له خپلواکۍ او د هېواد له بېلتون او تجزیې سره ټينګ مخالفت کوي او دا د مختلفو ميکانيزمونو سيالي نه، بلکې د خپلواکۍ او بيلتون مسئله بولي.
په تايوان تنګي کې د چين د خلکو د ازادۍ بښونکي پوځ د لويې پيمانې تمرين د تايوان بېلتون غوښتونکو ته، چې د هېواد د تجزيې کوششونه کوي، سزا ده او هم د هېواد د ملي حاکميت او د خاورو د بشپړتيا لپاره عادلانه کړنه ده.
د چين ولسي جمهوريت په «اساسي قانون» کې ليکل شوي، چې تايوان د چين د خاورې برخه ده او «د چين د تجزیې ضد قانون» بيا وايي، چې هیڅ ځواک ته به په هيڅ نوم اجازه ور نه کړي، چې تایوان له چين څخه جلا کړي. د چين «د ملي دفاع قانون» کې د هېواد د ازادۍ بښونکي پوځ ته دنده ورکړل شوې، چې ملي حاکميت، د خلکو اتحاد او د خاورو بشپړتيا وساتي.
که د يو هېواد ځواکونه په خپلې خاورې کې تمرينونه ترسره کوي او خپل ملي حاکميت ساتي، نو هیڅ اجازې ته اړتيا نه لري. د چين د خلکو ازادۍ بښونکي پوځ هم په خپلې خاورې، سمندري او هوايي قلمرو کې تمرينونه کوي، نو هیڅ اجازې او پلمې ته پکې اړتيا نه لیدل کېږي.
د یادولو ده، چې چين دغه پوځي تمرينونه د تایوان د خپلواکۍ او بيلتون غوښتونکو پر مقابلې کې ترسره کړي او دا د تايوان خلکو ته کوم اخطار نه دی. د تايوان خپلواکي د دې سيمې د خلکو له ګټو سره په ټکر کې او سمه لاره نه ده او د بېلتون غوښتونکو هڅې به سيمې ته ستونزې جوړې کړي او نړيواله ټولنه هم ورسره همغږې نه ده، بلکې ډاګيز مخالفت يې کوي.
د تايوان بېلا بېلو ټولنو د اکتوبر په لسمې نېټې د لای چينګده وينا غندلې ده. نوموړی د يو چين اصل ننګوي، د تايوان تنګي سوله خرابوي او د تايوان د خلکو ګټې زيانمنوي. د چيني ځواکونو ياد تمرين د تايوان تنګي د سولې، ثبات او د خلکو ګټو د ساتنې لپاره يو اړين فعاليت دی.
د تايوان مسئله د چين په مرکزي ګټو پسې تړاو لري او په سیمې کې سوله، پرمختګ، تبادلې او همکارۍ د تايوان تنګي د دواړو غاړو د خلکو ګډه هيله ده، خو برعکس د تايوان د خپلواکۍ هڅې به د سیمې سوله او ثبات خراب کړي او د خلکو ګټې به زیانمنې کړي.
که د تايوان د خپلواکۍ هڅې ونه دريږي، نو سترې برخې د مقابلې کړنې به همداسې روانې وي او د هېواد د ملي حاکميت او د خاورو بشپړتيا لپاره به د چين د خلکو ازادۍ پوځ فعاليتونه دوام ولري.
