له کندهار څخه بهر ته د تاریخي اثارو د قاچاق مخه نیول شوې

د کندهار د اطلاعاتو او کلتور ریاست مسوولینو د یاد ریاست اړوند موزیم ته د ۶ قلمه تاریخي آثارو د سپارلو خبر ورکړی دی. د یاد ریاست د هنر او فرهنګ آمر عبدالشکور څپاند ویلي، چې د احمد شاه بابا نړیوال هوایي ډګر د سرحدي پولیسو لخوا شپږ قلمه منقول اثار چي پکې  جک، ساپي، چاقو، کټو، مډال او کوچنۍ مسي ګډوه شامل دي، د بهرنیانو له خوا بهر ته د لېږدولو پر مهال تر نیول کېدو وروسته موزیم ته وسپارل. د نوموړي  په وینا، نیول شوي تاریخي اثار شاوخوا تر ۱۰۰ کالو زیات تاریخي لرغونتیا لري، چې د ثبت او سجل پروسې وروسته به د اطلاعات او کلتور ریاست اړوند میوزیم کې نندارې ته وړاندې شي.