د چين صدراعظم لي چيانګ د جولای په ۲۴مه نېټه په بېجينګ کې د خلکو په لوی تالار کې د اروپايي شورا له رئيس انتونيو لويس سانتوس دا کوستا او د اروپايي کميسيون له رئيسې وان ديرليون سره د چين او دغې ټولنې د مشرانو د ۲۵مې غونډې ګډه مشري وکړه.
لي چيانګ داسې ويلي چې د پېچلي نړيوال وضعيت پر وړاندې چين او اروپا دې يو له بل سره نژدې همکارۍ وکړي.د ده په خبره چين غواړي چې د سوداګرۍ، پانګونو، زرغوني پرمختګ، ساينس او تخنيک په برخو کې له اروپا سره د ګډو ګټو پر بنسټ همکارۍ پراخې کړي او د نظريو توپيرونو د لرې کولو لپاره پر خبرو اترو ټینګار ولري تر څو لازياتې لاسته راوړنې تر لاسه کړي.
کوستا او وان ديرليون وويل چې د اروپا او چين ترمنځ همکارۍ د نړۍ له سمسورتيا او ثبات سره تړاو لري. اروپا له چين سره د اوږدمهاله همکاريزو اړيکو د لا ټينګېدو لپاره ګډې هڅې کوي او غواړي چې له چين سره د نظريو تبادلې پياوړې کړي، د سوداګرۍ او پانګونو کې د دوه اړخيزو همکاريو د لا پياوړتيا، د صنعتي او اکمالاتي ځنځيرونو د ثبات د ساتلو لپاره هلې ځلې وکړي، د دې ترڅنګ اروپا هم غواړي چې له چين سره د نړيوالو ننګونو سره ګډه مقابله وکړي، په نړيوالو سوداګريزو اړيکو کې د سوداګرۍ د نړيوال سازمان له کليدي رول څخه ملاتړ وکړي او د څو اړخيزم ګډه ساتنه وکړي.
تر کنفرانس وروسته دواړو خواوو له اقليمي بدلون سره د مقابلې لپاره يوه ګډه اعلاميه خپره کړه.
