د چین صدراعظم لي چیانګ د جون په ۲۲مه نېټه له خپل فرانسي سیالې ایلسبیټح بورنې سره وکتل.
لي چیانګ وویل، د چین د دولت رئیس شي جین پينګ او د فرانسې ولسمشر ایمانویل مکرون څه موده مخکې ژورې خبرې اترې وکړې او د چین او فرانسې ترمنځ د اړیکو پرمختګ لپاره يې ستراتيژيکې لارښوونې وکړې. زما د دې سفر موخه د دواړو مشرانو د توافقاتو تطبیقول او د چین او فرانسې د اړیکو ټينګښت پرمخبېول دي.
صدراعظم لي چیانګ په اشارې وویل، چې چین غواړي له فرانسې سره سوداګریزو اړیکو ته مساوي پرمختګ ورکړي، یو د بل بازار ته د ننوتلو اجازه پراخه کړي او د سوداګرۍ چاپيريال په پر له پسې توګه ښې کړي، د زرغون پرمختګ په شمول ځينو برخو کې د خپلمنځي همکارۍ پټ ځواک ولټوي.
ده زیاته کړه، چې چین تل اروپايي ټولنه د څو قطبیزې نړۍ کې یو مهم غړی بولي، غواړي له اروپا سره د عمومي تګلارو همغږۍ پياوړې کړي او د خپلمنځي دایمي ثابتې همکارۍ لپاره زمینه برابره کړي.
لومړي وزیرې ایلسبیټح بورنې وویل، فرانسه غواړي له چین سره د دواړو مشرانو توافقات تطبیق کړي، د سوداګرۍ، پانګونې او کلتور په برخو کې خپلمنځي همکارۍ نورې ژورې کړي.
دې زیاته کړه، چې فرانسه د چین د پرانیستې او ورخلاصون تګلارې د دوامداره پراخېدو ستاینه کوي او د چیني تصدیو پر وړاندې به هېڅ د تعصب تدبیر ونه نیسي. اروپايي ټولنه پر خپلې ستراتیژۍ ټينګار کوي او له چین سره د سوداګریزو اړیکو له پرېکون ملاتړ نه کوي.
د یادولو ده، چې د دواړو صدراعظمانو په حضور کې د چین او فرانسې تر منځ یو لړ همکاريز تړونونه لاسلیک شول.
