مسوولین: د نوي کابل د لومړۍ برخې چارې ۳۰ سلنه پرمخ تللي

د ده‌سبز په سیمه کې د نوي کابل ښار د جوړولو د طرحې د لومړۍ برخې د دویمې قطعې چارې ۳۰ سلنه بشپړې شوې دي. د کور او ښار جوړولو وزارت وايي، نوی کابل د درې میلیونه کسانو د استوګنې لپاره په نږدې ۳۷۰ زره جریبه ځمکه کې جوړېږي او د لومړۍ برخې لګښت یې شپږ نیم میلیارده ډالره اټکل شوی دی. د پروژې د قراردادي شرکت په وینا، د نوي کابل د ټولو برخو بشپړېدل له پنځو تر لسو کلونو وخت نیسي. په ورته مهال، د اوبو، برېښنا او نورو اړینو ښاري زیربناوو د برابرولو چارې هم روانې دي.