روان کال د جاپاني يرغل پر وړاندې د چينايانو د مقاومت او د فاشيزم ضد نړيوالې جګړې د برياليتوب له ۸۰مې کليزې سره برابر دی. د جاپاني يرغل پر وړاندې د چينايانو د مقاومت په سخته جګړه کې د چینايانو ټينګې روحيې او کړنو د نړيوالې ټولنې پراخ ملاتړ تر لاسه کړی او يو شمېر بهرنيو ملګرو په مختلفو طريقو د چين د ملاتړ غږ پورته کړی او يا په جګړه کې يې له چينايانو سره مرستې کړې وې.
د اتریش- هنګري ( اوسني پولنډ) خبريال هانس شيپه یو له دغو بهرنيو ملګرو څخه و. په دې ليکنه کې به د ده د اتلولۍ کيسه وړاندې شي، څو نور انسانان د سولې د ساتلو درس ترې واخلي.
هانس شيپه په ۱۸۹۷م کال کې په اتریش- هانګري ( اوسني پولنډ) کې زېږېدلی او په ځوانۍ کې يې د جرمني د کمونېست ګوند غړیتوب ترلاسه کړ. هغه د يوه خبريال په توګه له چين سره ژوره علاقه او مينه درلوده او له ۱۹۲۵م کال څخه تر ۱۹۴۱م کال پورې يې ۳ ځله چين ته سفر وکړ. هغه په دغه هېواد کې ۱۱ کاله وخت تير کړ او په پای يې دلته له فاني نړۍ سترګې پټې کړې.
په ۱۹۳۷م کال کې د جاپاني يرغل پر وړاندې د چينايانو مقاومت په پوره توګه پيل شو او هممهاله شيپه د چين يان ان ته لاړ شو. نوموړي په يان ان کې په جلا جلا توګه د ماو ځه دونګ او جو اېن لای په شمول د چين د کمونېست ګوند له مشرانو سره مرکې وکړې او د دغه ګوند په اړه يې معلومات نړيوالو ته ورکړل، چې په هغه وخت کې د چين کمونېست ګوند په پراخې ساحې کې نه و پېژندل شوی.
په ۱۹۴۱م کال کې د دغې جګړې وضعيت ورځ تر بلې سختېدو. شيپه په همدې کال د راپور لپاره شان دونګ ولایت ته لاړ شو، ځکه دغه سيمه د جګړې له مرکزي ميدانونو څخه و. هغه شان دونګ ته له رسېدو وروسته په لنډ وخت کې (( د جاپاني ځواکونو له خوا یرغل شوې سيمې ته سفر)) په سرليک يو راپور وليک، چې پکې يې د جاپاني يرغل پر وړاندې له چيني عسکرو او عامو چينايانو سره د ليدنې په اړه کيسې ثبت کړې. شيپه په دغه راپور کې داسې وليکل:”د چين د کمونېست ګوند تر مشرۍ لاندې د اتم مسير ځواک او نوي څلورم پوځ له دوامدارې مبارزې پرته دا کار له امکان نه لری ښکارېدو، چې د جاپاني یرغل پر وړاندې د چينايانو مقاومت تر نن ورځې پورې دوام کړی وای. “هغه دغه سفر په خپل عمر کې ډېر ښه او ګټور وباله.
هغه په شان دونګ کې ډېر سفرونه وکړل، د ګوند، سياست او پوځ له مشرانو، سرتيرو او ځايي خلکو او نيول شويو جاپاني عسکرو سره يې مرکې وکړې او ډېر راپورنه يې خپاره کړل.
بر سېره پر دې، هغه له نږدې د جنګ په ميدان کې له دښمانو سره د سرتيرو د مبارزې طريقې او وضعيت وڅاره او د دغو تر لاسه شويو معلوماتو له مخې يې ډېر په زړه پورې راپورونه خپاره کړل او بهرنيانو ته يې د چينايانو د مقاومت معلومات تعرفي کړل.
مګر په شان دونګ کې له جاپاني یرغل سره د مبارزې په اساسي اډې باندې د جاپاني ځواکونو بريدونه مخ پر سختېدو و او ځايي حالت خطرناک و. شيپه خپله مېرمن شانګهای ته ولیږله او خپله په شان دونګ کې پاتې شو. هغه وويل:” د اساسي اډې په اړه د معلوماتو د تر لاسه کولو لپاره شان دونګ ته راغلی يم. د اوسني وضيت پر وړاندې زما کار اړين دی او زه به له سرتيرو سره ولاړ وم، څو اړوند راپورونه د فاشيزم ضد نړيوالو خلکو ته وړاندې کړم. “
د ۱۹۴۱م کال د نومبر د ۲۹مې نېټې په شپه، د چین اردو د دښمنانو له سخت بريد سره مخ شو. د دښمانانو پر وړاندې چيني سرتيرو وښوده چې له مرګ څخه ویره نه لري او ورسره يې سخته مبارزه وکړه او شيپه هم وسلې ته لاس کړ او په جګړه کې يې ګډون وکړ چې بالاخره همالته د ۴۴ کالو په عمر ووژل شو.
