ډېرو نړیوالو شخصيتونو په دې وروستيو کې ويلي، چې د ۲۰۲۳م کال د چین د دوو ملي مجلسونو په کلنیو غونډو کې د چین اقتصادي معلوماتو ته ډېره توجه لري او هيله يې ښودلې، چې چين په دوامدار ډول نړیوال اقتصاد ته باور او محرکه قوه ورکړي. نړيوالو شخصيتونو په عين وخت کې د چين د کلیوالو سيمو سمسورتيا او د ايکولوژيکي تمدن د ابادۍ په برخو کې پاليسیو او تدبيرونو ته هم ډېره پاملرنه ښودلې.
د ملګرو ملتونو د اقتصادي او ټولنیزو چارو څانګې د نړیوال اقتصاد د څارنې مرکز مشر حميد راشد د چين ميډيا ګروپ له خبريال سره په ځانګړې مرکه کې ویلي، چې د چين اقتصاد د نړیوال اقتصاد د پرمختګ لپاره ډېر مهم دی، له دې امله يې د چين د دوو ملي مجلسونو په کلنیو غونډو کې د اقتصادي معلوماتو په اړه پاملرنه لري. د هغه په خبرو، په وروستيو لسو کلونو کې د چين اقتصاد د نړيوال اقتصاد لپاره ډېر لوی خدمت کړی او د دغه هېواد د اقتصاد په اړه باور لري.
د کنيا د فکري ارګان د پرمختيايي هېوادونو ترمنځ د ډيالوګ مسئول ستيفن ندېګوا ويلي، چې نړيواله ټولنه په هره برخه کې د سوسياليزم د عصري هېواد د ابادۍ لپاره د چين هڅو ته ډېره پاملرنه لري. چين اوس د کليوالو سيمو د سمسورتيا لپاره هڅه کوي او د دې هېواد د پرمختګ تجربې د افريقا لپاره د زده کړو وړ دي.
