هېواد کې د اوسپنې پټلۍ د پراختیا لپاره پنځه مسیرونو کې د سروې او ډيزاین چارې روانې دي

ټولګټو چارو وزارت وايي، د افغانستان د اوسپنې پټلۍ شبکې د پراختیا لپاره د ۱۵۳۷کیلومتره پټلۍ د سروې او ډیزاین چارې په پنځو مهمو مسیرونو کې روانې دي. د یاد وزارت د معلوماتو له مخې، دغه مسیرونه تورغونډۍ–هرات، هرات–کندهار، کندهار–سپین‌بولدک، کابل–کندهار او اندخوی–شبرغان دي. د ټولګټو وزارت ویاند محمد اشرف حق شناس وايي، د دغو پروژو موخه د ټرانزیټ پیاوړتیا، اقتصادي وده او د افغانستان د سیمه‌ییز ټرانزیټي مرکز په توګه د هېواد د رول پیاوړتیا ده.