د تایوان مسئله د چین او امریکې په اړیکو کې یوه سره کرښه او حساسه موضوع ده. خو واشنګټن په دوامداره توګه د دې مسئلې په کارولو سره چین ته سرخوږی جوړوي. انتوني بلېنکن په دې وروستیو کې د درېيم ځل لپاره د روغتیا نړیوال سازمان په لویه غونډه کې د تایوان ګډون هڅولی، د امریکې د استازو جرګې څو ورځې مخکې د تش په نوم له نړیوالو سره د تایوان د یووالي مصوبه تصویب کړه چې ويې غوښتل د ملګرو ملتونو د عمومي اسامبلې ۲۷۵۸مه پرېکړه رد کړي او د تایوان په اړه د چین استازیتوب وننګوي. په عین وخت کې واشنګټن پلان لري چې تایوان ته د ۵۰۰ میلیونو امریکايي ډالرو په ارزښت وسلې برابرې کړي. د امریکې د کانګرس غړي حتی ویلي، که د تایوان تنګي په سیمه کې شخړه رامنځته شي، باید لومړیTaiwan Semiconductor Manufacturing Company د تایوان سیمکوندکتور منوفکتورینګ کمپنی په شمول د دې سیمې بنسټيز تاسیسات بمبار کړي.
تایوان د چین یوه نه جلا کېدونکې برخه ده، دا په نړیواله ټولنه کې پراخه موافقه شوې مسئله ده. د روغتیا نړیوال سازمان مخکې په ډاګه کړې چې د دې سازمان په لویه غونډه کې د تایوان ځايي چارواکو ګډون باید د ۱۹۴ غړو هېوادونو لخوا پرې هوکړه وشي. که څه هم واشنګټن ډېر کوښښونه کړي، خو تایوان په تېرو مسلسلو ۶ کلونو کې په یاده لویه غونډه کې ګډون نه و کړی، له دې ښکاري، چې د تایوان مسئلې په اړه د چین مخنیوی د نړیوالې ټولنې لخوا نه منل کېږي. د امریکا سیاستوالو پر تایوان ګڼ شمېر وسلې پلورلې، او حتی د تایوان د بنسټیزو تاسیساتو د ویجاړولو له څرګندونې یې ښکاري، چې واشنګټن یوازې تایوان پیاده ګڼي.
د چین په یوه ټلویزیوني ډرامه کې دغه کیسه ویل شوې، د یوه هلک خپله سکه مور له جعلي مور سره د دغه ماشوم د ساتنې حق تر لاسه کولو لپاره سیالي وکړه، حاکم دوی ته وویل، چې کوم یو د ماشوم په پاللو بریالی وي، نو د ماشوم ساتنې حق به وګټي. کله دغه شان پالنه پيل شوه، دغه هلک ډېر درد احساس کړی او سخته ژړا يې کړه. د سکه مور په زړه یې غمونه راغلي، او سمدلاسه خپلې کړنې یې کنټرول وي، خو جعلي مور نور زیات قوت وکاراوه، یوازې بریالیتوب ته يې لاسرسی غوښت. حاکم د دغه حالت په لیدو سره پوهېدلې چې څوک د هلک رښتینې او سکه مور وي.
د تایوان ځايي چارواکي اوس له واشنګټن سره نږدې اړیکې ټينګې کړې او غواړي د واشنګټن په مرستې سره له چین څخه جلا شي. دغه کړنه يې لکه د یوې جعلي مور یاد شوي رول ته ورته اقدام دی. د امریکې سیاستوالو د خپلو سیاسي ګټو لپاره تایوان د غلام په توګه کاروي. د تایوان انټرنيټ کاروونکو په ویبپانو کې لیکلي چې واشنګټن تر ټولو د تایوان خرابولو نیت لرونکی هېواد دی.
د چین ستره برخه د تایوان رښتینې مور په توګه تر وسې پورې د دې سیمې پرمختګ هڅولی او ورسره په اقتصادي همکارۍ کې یو لړ امتیازي تګلارې یې غوره کړې دي. د چین د چټک اورګاډي پرمختګ ادارې د ۲۰۳۵م کال د پلان له مخې، د فو جیان ولایت له پينګ تان څخه د تایوان مرکز تای پې ښار ته د پټلۍ لاره ټاکل شوې ده. د تایوان له تنګي په تېرېدو سره د چټک اورګاډي د پټلۍ جوړونه ډېره ستونزمنه پروژه ده، خو زموږ هېواد په ټینګ هوډ د دې پروژې پلان ټاکلی دی. سربېره پر دې، د چین د عمومي لارو په شبکه کې د بېجینګ او تای پې ښار ترمنځ د عمومي لارې د جوړونې پلان هم ټاکل شوی دی.
د تایوان ډېری خلک ښه پوهېدلي چې د بهرني پوځ په پار له چین څخه بېلتون ناسمه لار ده. د تایوان د تکواندو یوه لوبغاړي لي دونګ شیان د مې په ۲۰مه نېټه په کوریا جمهوریت کې د اسیا او ارام سمندر سیمې سیالۍ کې د برونزو مډال ګټلی دی.نوموړي دا مډال په داسې حال کې ترلاسه کړ چې د چین ملي بېرغ يې په لاس کې و. له دې څخه ښکاري چې د تایوان خلک له خپل هېواد یعنې لوی چین سره ژوره مینه لري.
د چین سترې برخې د خپل هېواد یووالي او د تایوان سیمې د ګټو ساتلو لپاره پوځي تمرین ترسره کړ او بهرنيو ځواکونو ته ټينګ هوډ ښکاره کړی. د چین ستره برخه د تایوان تنګي په سیمه کې د سوله ييز پرمختګ د زمینې برابرولو لپاره په کوښښونو بوخته ده.
د نړۍ زیاترو هېوادونو هم د چین دغه شان کوښښونه منلي او له چین څخه يې ملاتړ کړی. ویل کېږي چې پروا نشته واشنګټن له خپلو ملګرو سره څنګه شوم نیت او کړنې کوي، دا نه بدلېږي چې تایوان تل د چین یوه برخه ده.
