د تایوان مسئله د چین او امریکې په اړیکو کې یوه سره کرښه او حساسه موضوع ده. خو واشنګټن په دوامداره توګه د دې مسئلې په کارولو سره چین ته سرخوږی جوړوي. انتوني بلېنکن په دې وروستیو کې د درېيم ځل لپاره د روغتیا نړیوال سازمان په لویه غونډه کې د تایوان ګډون هڅولی، د امریکې د استازو جرګې څو ورځې مخکې د تش په نوم له نړیوالو سره د تایوان د یووالي مصوبه تصویب کړه چې ويې غوښتل د ملګرو ملتونو د عمومي اسامبلۍ ۲۷۵۸مه پرېکړه ليک رد کړي او د تایوان په اړه د چین استازیتوب وننګوي. په عین وخت کې واشنګټن پلان لري چې تایوان ته د ۵۰۰ میلیونو امریکايي ډالرو په ارزښت وسلې برابرې کړي. د امریکې د کانګرس غړي حتی ویلي، که د تایوان تنګي په سیمه کې شخړه رامنځته شي، باید لومړیTaiwan Semiconductor Manufacturing Company د تایوان سیمکوندکتور منوفکتورینګ کمپنۍ په شمول پر دې سیمې بنسټيزو تاسیساتو بمباري وکړي.
تایوان د چین یوه نه جلا کېدونکې برخه ده، دا په نړیواله ټولنه کې پراخه موافقه شوې مسئله ده. د روغتیا نړیوال سازمان مخکې په ډاګه کړې چې د دې سازمان په لویه غونډه کې د تایوان ځايي چارواکو ګډون باید د ۱۹۴ غړو هېوادونو لخوا پرې هوکړه وشي. که څه هم واشنګټن ډېر کوښښونه کړي، خو تایوان له تېرو مسلسلو ۶ کلونو راهيسې په یاده لویه غونډه کې ګډون نه و کړی، له دې ښکاري، چې له تایوان مسئلې څخه په ګټې پورته کولو د چین مخنیوی د نړیوالې ټولنې لخوا نه منل کېږي. د امریکا سیاستوالو پر تایوان ګڼ شمېر وسلې پلورلې، او حتی د تایوان د بنسټیزو تاسیساتو د ویجاړولو له څرګندونې یې ښکاري، چې واشنګټن یوازې تایوان پیاده ګڼي.
د چین په یوه ټلویزیوني ډرامه کې دغه کیسه ویل شوې، د یوه هلک خپله سکه مور له جعلي مور سره د دغه ماشوم د ساتنې حق تر لاسه کولو لپاره سیالي وکړه، حاکم دوی ته وویل، چې کوم یو د ماشوم په پاللو بریالی وي، نو د ماشوم ساتنې حق به وګټي. کله دغه شان سيالي پيل شوه، دغه هلک ډېر درد احساس کړی او سخته ژړا يې کړه. د سکه مور په زړه یې غمونه راغلي، او سمدلاسه خپلې کړنې یې کنټرول وي، خو جعلي مور نور زیات قوت وکاراوه، یوازې بریالیتوب ته يې لاسرسی غوښت. حاکم د دغه حالت په لیدو سره پوهېدلې چې څوک د هلک رښتینې او سکه مور وي.
د تایوان ځايي چارواکي اوس له واشنګټن سره نږدې اړیکې ټينګې کړې او غواړي د واشنګټن په مرستې سره له چین څخه جلا شي. دغه کړنه يې لکه د یوې جعلي مور یاد شوي رول ته ورته اقدام دی. د امریکې سیاستوالو د خپلو سیاسي ګټو لپاره تایوان د غلام په توګه کاروي. د تایوان انټرنيټ کاروونکو په ویبپانو کې لیکلي چې واشنګټن تر ټولو د تایوان خرابولو نیت لرونکی هېواد دی.
د چین ستره برخه د تایوان رښتینې مور په توګه تر وسې پورې د دې سیمې پرمختګ هڅولی او ورسره په اقتصادي همکارۍ کې یو لړ امتیازي تګلارې یې غوره کړې دي. د چین د چټک اورګاډي پرمختګ ادارې د ۲۰۳۵م کال د پلان له مخې، د فو جیان ولایت له پينګ تان څخه د تایوان مرکز تای پې ښار ته د پټلۍ لاره ټاکل شوې ده. د تایوان له تنګي په تېرېدو سره د چټک اورګاډي د پټلۍ جوړونه ډېره ستونزمنه پروژه ده، خو زموږ هېواد په ټینګ هوډ د دې پروژې پلان ټاکلی دی. سربېره پر دې، د چین د عمومي لارو په شبکه کې د بېجینګ او تای پې ښار ترمنځ د عمومي لارې د جوړونې پلان هم ټاکل شوی دی.
د تایوان ډېری خلک ښه پوهېدلي چې د بهرني پوځ په پار له چین څخه بېلتون ناسمه لار ده. واشنګټن به د چین پرمختګ د مخنیوي لپاره د غلام په توګه تایوان تر کارولو سره دغه سیمه بيخي زیانمنه کړي.
د چین سترې برخې د خپل هېواد یووالي او د تایوان سیمې د ګټو ساتلو لپاره پوځي تمرین ترسره کړ او بهرنيو ځواکونو ته يې ټينګ هوډ ښکاره کړی. د چین ستره برخه د تایوان تنګي په سیمه کې د سوله ييز پرمختګ د زمینې برابرولو لپاره په کوښښونو بوخته ده.
د نړۍ زیاترو هېوادونو هم د چین دغه شان کوښښونه منلي او له چین څخه يې ملاتړ کړی. ویل کېږي چې پروا نشته واشنګټن له خپلو ملګرو سره څنګه شوم نیت او کړنې کوي، دا نه بدلېږي چې تایوان تل د چین یوه برخه ده.
