د چين حکومت د اګست په ۱۷مې نېټې د روان کال د تېرو اوو مياشتو اقتصادي شمېرې خپرې کړي، چې د نړيوالو رسنيو پاملرنه يې راجلب کړې ده.
ګڼو رسنيو په راپورونو کې ويلي، په تېرو اوو مياشتو کې د چین اقتصاد څو ګرافونو زياتوالی موندلی او عمومي حالت يې ثابت ساتل شوی دی او هم تمايل يې انعطاف پذيره ښکاري.
شمېرې ښيي، په تېرو اوو مياشتو کې د چین د توليدي چارو، خدماتي چارو او بهرنۍ سوداګرۍ په شمول لویو اقتصادي ګرافونو زياتوالی ښودلی او اقتصاد يې ثابت او باکيفيته پرمختګ موندلی دی.
شنونکي وايي، د چين د تېرو اوو میاشتو اقتصادي شمېرې نه يوازې د دغه هېواد د اقتصاد د انعطاف پذيرۍ او حياتي ځواک ښکارندويي کوي، بلکې نړيوال اقتصاد یې په خوځښت راوستلی دی.
سږ کال په نړۍ کې جيوپوليټيکي شخړې نورې هم سختې شوي، چې له امله یې د انرژۍ په نړيوال بازار کې ډېر بدلونونه راغلي او په ورته وخت کې نړيواله اقتصادي سمسورتیا هم له ډېرو سختو ننګونو سره مخ ده.
نړيوال بانک او د پيسو نړيوال صندوق په وروستيو راپورونو کې د نړیوال اقتصاد پرمختیايي وړاندوينه په سلو کې صفر اعشاريه يو ټيټه کړې ده.
د چین اقتصاد ثابت پرمختګ موندلی، نو لامل او حياتي ځواک يې په څه کې نغښتی؟
د چین د ژن مين پوهنتون د اقتصاد پوهنځي پروفيسور وانګ شیاو سونګ سي اېم جي ته ويلي، چې د دغه هېواد اقتصاد په تېرو اوو مياشتو کې په کوردننه او بهر له ستونزو سره مخ و، خو د چین حکومت اقتصادي وضعيت ته په کتو، ډېره مثبته او اغېزمنه تګلاره پلې کړې او په پر له پسې توګه يې ورخلاصون او اصلاحات پراخ کړي دي. دغه راز د چين بېلا بېلو ټولنو هم د علمي او تخنیکي نوښت په اتکا سره د اقتصادي باکيفيته پرمختګ د موندلو لپاره ډېرې هڅې کړې دي.
نوموړي ويلي، د چين د اقتصاد بنسټ ثابت دی او ښه غوره والی لري او انعطاف پذيزي يې د دې ښکارندويي کوي، چې له ننګونو او ستونزو سره سره يې ثابت پرمختګ موندلی دی. په ټوله کې د چین اقتصاد ثابت دی او ښه بنسټ لري.
چين د نړۍ د دويم لوی اقتصاد په توګه داسې بشپړ صنعتي سيسټم او ډېر لوی بازار لري، چې د ننګونو پر وړاندې مقابله کولی شي.
د چین په ځينو سيمو کې په دې وروستو کې د بدې هوا له امله طبيعي ناورينونه رامنځته شوي، خو بیا هم اقتصاد يې ثابت پرمختګ موندلی دی.
د روان کال په تېرو اوو مياشتو کې، د چين د لويو صنايعو د زياتوالي ارزښت د تېر کال د همدې مودې په پر تله په سلو کې پنځه اعشاريه درې زياتوالی ښيي، د تجهيزاتو او عصري ټکنالوژۍ د تولیدي چارو د زیاتوالي ارزښتونه یې په جلا جلا توګه د تېر کال د ورته مودې په پرتله ۹،۷ سلنه او ۱۳،۸ سلنه زياتوالی موندلی او په ټوله کې يې صنعتي بنسټ نور هم ښه شوی دی.
په همدې مودې کې د چين د محصولاتو او خدماتو د خرڅلاو عمومي ارزښت د تېر کال د همدې مودې په پرتله په سلو کې دوه اعشاريه شپږ زيات شوی، چې په دې جملې کې د خدماتو د پرچون ارزښت يې په سلو کې پنځه زياتوالی او پرمختیايي انډول يې د محصولاتو د پرچون ارزښت په پرتله چټک شوی دی.
دا د دې ښکارندويي کوي، چې خدماتي لګښت د مصرف د زياتوالي لپاره عمده انجين دی.
په ورته وخت کې په چين کې د خلکو مصرف د تېر کال د همدې مودې په پر تله لږ څه زیات شوی او د ژن مين بي يوانو تبادلوي ارزښت یې هم ثابت زياتوالی موندلی او د بهرنيو اسعارو د زېرمې پيمانه يې څه باندې ۳.۴ ټريليون ډالرو ته رسيدلې ده.
دا د دې څرګندويي کوي، چې د چین اقتصادي بنسټ ټینګ او کلک دی.
چين د نړۍ دويم لوی مصرفي بازار لري او د اقتصاد ثابت پرمختګ يې بهرنيو تصديو ته ګټې رسولې دي. په چین کې د نېست د شرکت د بورډ کمېټې مشر او اجرائيوي مدير کايس مارزوکي سي اېم جي ته ويلي، چې شرکت يې د چینايي مشتريانو پر اړتياوو تمرکز لري او د تولیداتو نوښتي کارونه ترسره کوي.
نوموړي ويلي، په چین کې د شرکت پانګونه یې، له ۲۰۲۰م کال راهيسې له شپږ ميليارډو يوانو څخه اوښتې او څه باندې ۹۰ سلنه توليدات په همدغه هېواد کې توليدېږي او له چينايي بازار سره ژورې اړيکې لري.
اوسمهال نړیوال وضعيت ډېر پېچلی دی او د ډېرو هېوادونو د کورنيو اړتياوو د کمښت ستونزه د پام وړ ده او اقتصادي پرمختګونه یې له ډېرو ننګونو سره مخ دي. خو د روان کال په تېرو اوو مياشتو کې د چين اقتصادي حالت ته په کتو، د دغه هېواد د اقتصاد ثابت تمايل نه دی بدل شوی.
چين به د نوي حیاتي ځواک د لا پياوړتيا، د ورخلاصون د لا پراخوالي او د عمومي تګلارې په رڼا کې د پر له پسې باکيفيته پرمختګ او د ۱۵ م پنځه کلن پلان د ښه پيل لپاره ډېرې هلې ځلې وکړي.
