ټرمپ؛ په ایران کې د یوه نوي رهبر غوښتنه کړې

د راپورونو له مخې د امریکا ولسمشر ډونالډ ټرمپ په ایران کې د یوه نوي رهبر غوښتنه کړې ده. نړیوالو رسنیو د ټرمپ له قوله ویلي چې ایراني چارواکي د دغه هېواد په اداره کولو کې له زور او ځپنې کار اخلي. ټرمپ زیاته کړې چې د خامنه‌يي «غوره پرېکړه» په لاریونونو کې د نیول شویو ۸۰۰ کسانو له اعدامولو ډډه کول دي. که څه هم ټرمپ له لاریونوالو سره د مرستې ژمنه کړې وه، خو په تېرو دوو ورځو کې له خپلو خبرو په شاه شوی دی. بلخوا د ایران مذهبي مشر ایت‌الله علي خامنه‌يي د امریکا ولسمشر ډونالډ ټرمپ د دغه هېواد په وروستیو ناکراریو او لاریونونو کې د اوښتو تلفاتو او زیانونو مسوول ګڼلی دی. له دې وړاندې هم د ایران مذهبي مشر ویلي چې لاریونوال د ټرمپ په استازولۍ کار کوي.