پاکستان نن ماښام له نیوزیلنډ سره لومړۍ شل اوریزه لوبه ترسره کوي

د نیوزیلنډ کرکټ ملي لوبډله نن د پاکستان پر وړاندې د شل اوریزو لوبو د لړۍ لومړۍ لوبه ترسره کوي. د پاکستان او نیوزیلنډ ترمنځ د ۵۰ اوریزو‎ او شل اوریز لوبو لړۍ د پاکستان په کوربه‌توب ترسره کیږي. د یادې شل اوریزې لوبلړۍ لومړۍ درې لوبې په راولپنډۍ او وروستۍ دوه لوبې به یې په لاهور ښار کې وشي. دواړو لوبډلو لا له وړاندې دې لوبلړۍ ته د لوبغاړو نوملړ اعلان کړی چې نیوزیلنډ دې سیالیو ته تر ډېره ځوان لوبغاړو ته د لوبېدو چانس ورکړی دی. د نیوزیلنډ کرکټ ملي لوبډلې ډېری لوبغاړي په ای‌پي‌اېل لیګ کې پر لوبو بوخت دي او له همدې امله نویو لوبغاړو ته لوبډله کې ځای ورکړل شوی دی. پاکستان بیا د ځوانو لوبغاړو ترڅنګ محمدعامیر چې له کرکټ یې د مخه ښه اوازې خپرې شوې وې، یو ځل بیا ملي لوبډلې ته راوستلی دی.