د انګولا کابندا ایالت ځایي خلک ډېره اوږده موده د اوبو برابرونې د بنسټيزو تاسیساتو له کمښت سره مخ وو. زیاتره اوسېدونکو د اوبو برابروونکو ګاډیو په وسیله لېږل شوې اوبو په تکیه ژوند کړی، او د خلکو د څښاک اوبو خوندیتوب تضمین نه دی شوی.
د تېر کال په جون میاشت کې د چین د پټلۍ جوړونې نړیوالې ډلې لخوا جوړ شوې د اوبو برابرونې بنسټیز تاسیسات بشپړ شوي او په دې سره څښاک اوبو ته د ځايي وګړو د لاسرسي مسئله تر ډېرې اندازې پورې حل شوې. په ډېرو کلیو کې اوسېدونکي پر لومړي ځل د نل له اوبو څخه ګټه اخلي.
د چین د پټلۍ جوړونې نړیوالې ډلې عمومي مدیر لي چونګ یانګ وویل، له تېر څه باندې یو کال راهیسې په کابندا ایالت کې د اوبو برابرونې پروژه ښه روانه ده او د اوبو ورځنی برابروونکی ظرفیت يې ۵۰ زره متر مکعب ته رسېږي، په دې توګه ځايي خلکو ته د هرې اونۍ په ۷ ورځو او د هرې ورځې په ۲۴ ساعتونو کې د نل اوبه برابرېږي. د دې پروژې په بشپړېدو سره د کابندا ښار د ۹۲ سلنې ناحیې ۶ لکه ځايي وګړي ترې ګټې اخیستی شي.
نه یوازې په کابندا ایالت کې، د انګولا جنوب په کونینی ایالت کې د چیني تصدۍ لخوا د جوړې شوې پروژې له امله د ځايي خلکو د څښاک اوبو مسئله حل شوې ده بلکې د چین د برېښنا ساختماني ډلې په ۲۰۱۹م کال کې په کونینی ایالت کې د وچکالۍ ضد د کانال، اوبو لویه ذخیره او د څښاک اوبو مرکزونو د جوړونې په شمول یو لړ پروژې پيل کړې دي. د تېر کال په اپرېل میاشت کې د دې پروژې لومړي او دوهم پړاوونه بشپړ او فعال شول او وګړو ته پاکې اوبه برابرې شوې. اوس د ۱۵۰ کیلومترو په اوږدوالي یو کانال بشپړ شوی دی او ځايي وګړي به ترې نورې زیاتې ګټې پورته کړي.
په انګولا کې د چین د برېښنا ساختماني ډلې استازي لي شون فنګ وویل، په کونینی ایالت کې د وچکالۍ ضد د یادو یو لړ پروژو په بشپړېدو سره په دغه ایالت کې ۲۳۵ زره کسان ترې ګټې اخلي، څښاک اوبو ته د ۲۵ زرو څارویو اړتیاوې او د ۵ زرو هکتارو په پراخوالي د کروندیزو ځمکو د اوبو لګولو اړتیاوې پوره کېږي.
د کونینی ایالت والي جردینا وویل، له چین سره د انګولا دوستانه اړیکې زموږ لپاره ډېرې مهمې دي. کونینی ایالت له اوږدې مودې راهیسې د وچکالۍ او بېوزلۍ له ستونزو سره مخ دی، د چین تصدۍ دلته د اوبو برابرونې او د وچکالۍ ضد پروژې فعالې کړې او زموږ په هېواد کې د خلکو ژوند سویې د لوړولو او د بېوزلۍ د له منځه وړلو لپاره مهم خدمتونه يې ترسره کړي دي.
د انګولا د انرژۍ او اوبو لګولو وزیر بورژس وویل، انرژي د پرمختګ ځواک برابروي او اوبه د ژوند سرچینه ده. د چیني تصدۍ لخوا جوړ شوې د اوبو برابرونې پروژې انګولا ته پاکې اوبه برابروي او د ځايي وګړو لپاره، دغه پروژې د نړۍ ارزښت لري.
په انګولا کې د اوبو لګولو، ترانسپورټ او انرژۍ په شمول برخو کې د چیني تصدیو لخوا یو لړ پروژې په وروستیو کلونو کې په وار سره بشپړې شوې دي. ښاغلي بورژس وویل، دغه پروژې د انګولا هېواد په ګوټ ګوټ کې موجودې دي او د ځايي وګړو ژوند د ښه والي او د انګولا د اقتصادي ودې لپاره يې ستر خدمات ترسره کړي دي.
د یو کمربند او یوې لارې د ګډې جوړونې وړاندیز د وړاندې کېدو له ۱۰ کلونو راهیسې ډېرو چیني معمارانو په افریقايي هېوادونو کې په چیني تکنالوژۍ او تجربو سره یو لړ پروژې بشپړې کړې او د افریقا ګڼ شمېر ځايي وګړیو ته يې ګټې رسولې دي.
