په سومالیا کې ځانمرګي برید ۱۲ کسه وژلي دي

د راپورونو له مخې د سومالیا په پلازمینه موګدیشو کې ځانمرګي بریدګر په یوه رسټورانټ کې په ځان پورې تړلو چاودېدونکو توکو ته چاودنه ورکړې ده. سرچینه کاږي چې په پېښه کې دوولس کسه وژل شوي او ګڼ نور ټپیان دي. په وژل شوو کې نظامیان هم شامل دي چې له نږدې ددې نظامي اډې رسټورانټ ته راغلي وو. الشباب ددې برید مسوولیت منلی دی. په وروستیو کې ګڼ افریقايي هېوادونه د ورته نا امنیو، نښتو او ځانمرګو بریدونو شاهدان دي. امریکا هم په وروستیو څرګندونو کې ویلي وو چې په افریقايي هېوادونو کې د ترهګرو ډلو خطر لومړۍ درجې ته لوړ شوی دی.