د تمدنونو ډیالوګ د نړیوالې ورځې او د چین او مصر د رسمي اړیکو د ټینګېدو د ۷۰مې کلیزې د نمانځنې کنسرټ د جون په ۱۰مه نېټه د مصر په پلازمېنې قاهره کې ترسره شو، چې د چین او مصر نږدې ۸۰۰ تنو پکې ګډون کړی و.
په مصر کې د چین سفیر لیاو لي چیانګ د دغه کنسرټ پيل مراسمو ته ويلي، چې د تمدنونو ډیالوګ د خلکو له غوښتنې او د زمانې له تمایل سره سمون لري. چین او مصر د دوو لرغونو هېوادونو په توګه په تېرو ۷۰ کلونو کې خپلمنځي تمدنونه تبادله کړي او په وروستیو کلونو کې یې د ګردې نړۍ د تمدن وړاندیز تطبیق کړی او خپلمنځي دوستي او تفاهم یې نور هم پیاوړي کړي دي.
د مصر د کلتوري چارو وزیر جهان زكي د دغه کنسرټ پيل مراسمو ته په وېډيويي وینا کړې او کلتور او هنر یې د هېوادونو د خلکو ترمنځ د تبادلې پل بللی او هیله یې ښودلې، کلتور او هنر په پيچلي نړيوال وضعيت کې انسانانو ته خوښي ورکړي او خوندي يې وساتي.
