په دې وروستيو کې د چين د مصرف بازار ډېر فعال ښکاري، د جرمني د ډيوتسچي بانک (Deutsche Bank) داسي ارزونه کړې، چې د چين د مصرفوونکو باور ډېر لوړ شوی دی. دغه بانک يو نوی راپور ښيي، چې د چين لا زيات مصرفوونکي د دغه هېواد د اوسني اقتصادي حالت په اړه خوشبين دي او د مصرفولو په اړوندې سروې کې ۵۲سلنه ګډون کوونکي د مصارفو د زياتولو نظريې لري. د چين حکومت اړوندې شمېرنې هم ثبت کړې دي، چې د روان کال په لومړيو دوو مياشتو کې د چين د مصرفي توکو د پرچون عمومي اندازه ۸۳۷۳ميليارد او سلو ميليونو يوانو ته رسېدلې او د زياتوالي اندازه له اټکل څخه لوړه شوې ده.
د مصرفوونکو باور څنګه پیاوړی شوئ؟
د چين د ژنمين پوهنتون د اقتصاد پوهنځي پروفيسر وانګ شياو سونګ خبري رسنۍ ته وويل، چې د تېر کال راهيسې د چين اقتصاد په عمومي ډول په ثابته توګه پرمختګ کړی او د خلکو د عايداتو سويه په پر له پسې ډول زياته شوې، چې د مصارفو د زياتوالي لپاره مالي بنسټ ټينګ کړی دی. دغه راز د چين حکومت د مصارفو د هڅونې لپاره يو لړ ملاتړ کوونکي تګلارې صادرې کړې دي. د تېر کال په سپتمبر مياشت کې د مصرف پياوړتيا لپاره يوه تګلاره صادره شوې، د روان کال د دوو ملي مجلسو په کلنيو غونډو کې هم د مصارفو پياوړتيا ته د لسو دندو لومړيتوب ورکړل شوی، په وروستۍ موده کې «د مصارفو دهڅونې لپاره ځانګړی عملي لايحه» خپره شوه او داسې نور، نو له همدې کبله د مصرف چارو ته وده ورکړل شوې ده.
کله چې د چين مصرفوونکي غواړي توکي واخلي، په چين کې بهرني شرکتونه به ورڅخه ګټې خپل کړي. د جاپان د پاناسونيک (Panasonic) شرکت مرستيال مشر هوما تيتسورو وويل، د چين حکومت د مصرف د ترويج لپاره اقدامات خپاره کړي، چې دغه شرکت ته يې زيات فرصتونه رسولي دي. په ځانګړې توګه د مصرف د مالي مرستې په تطبيق سره په چين کې د دغه شرکت د يخچالونو د پلورلو اندازه د تېر کال د همدې مودې په پرتله ۶۰سلنه زياته شوې او د مينځلو ماشينونو د پلورلو اندازه د تېر کال د همدې مودې په پرتله ۸۰سلنه زياته شوې ده. د فرانسې د لوريل (L’Oréal) شرکت د چيني بازار اړوند چارواکي وويل، چې په وروستيو کلونو کې د چين د مصرف فضا د ښه والي لپاره ډېرې تګلارې صادرې شوې، چې د ښکلا سينګار توکو د باکيفيته پرمختګ لپاره ټينګ بنسټ کېښودل شوی. هغه زياته کړه، چې موږ پر دې باور لرو چې د چين بازار به لا نور وغوړېږي. د امريکې د بروډکوم(Broadcom) چارواکی هاوک تان (Hock E. Tan) په دې نظر دی، چې د چين حکومت او پاليسۍ ثابت او ډاډمنې دي، نو شرکتونه په سمه توګه د بازار د راتلونکي په هکله ښه باور کولی شي.
د چين پاليسۍ بازار ته ضمانت برابروي او نوښتونه بازار ته انجن چمتو کوي.
د چين د نوي باکيفيته توليدي ځواکونو د چټک پرمختګ سره سره د مصرف بازار په پر له پسې ډول نوی شوی. د جرمني د والکسواګين (Volkswagen) د چيني بازار چارواکي رالف برانډ سټايټير (RalfBrandstaetter) وويل، چې په دې وروستیو کلونو کې دغه شرکت د چين د ساينس او ټېکنالوژۍ د پرمختګ په اتکا په هراړخيزه توګه وده کړې او کوي يې چې د دواملرونکي پرمختګ نوي پړاو ته داخل شوی. هغه زياته کړه، چې د دغه شرکت د لومړۍ ډلې نوي توليدات او پرمختللې ټېکنالوژۍ به په نژدې راتلونکي کې د شانګهای ښار د موټرو په نندارتون کې نندارچيانو ته وښودل شي.
چين یو ميليارد او ۴۰۰ميليونه نفوس لري، چې په نړۍ کې تر ټولو لوی بازار بلل کېږي. د امريکې د مککينسي (McKinsey) شرکت اټکل کړی، چې تر ۲۰۳۰م کال پورې به د چين په ښارونو کې اوسېدونکي د ټولې نړۍ د مصارفو اندازې د ۹۱سلنې زياتوالي هڅونه وکړي، د چين ۷۰۰ښارونه به د نړۍ د ښاري مصرف د زياتوالي لپاره ۷۰۰۰ميليارده ډالره برابر کړي، چې ۳۰سلنه برخه به ونيول شي. مصرف د اقتصادي پرمختګ د هڅونې لپاره مهم انجن دی، د چين د اقتصادي پرمختګ لپاره د مصرف رول به لا نور زيات شي او نړۍ ته به هم زيات خدمتونه وکړي.
د روان کال له پيل راهيسې، ګڼ شمېر بهرنيو پانګوونکو څانګو د چين د مصرف بازار پر راتلونکي باور ښودلی. اوسمهال د يوې ډلې مهمو بهرنيو سوداګريزو شرکتونو پروژې په پر له پسې ډول په چين کې جوړ شوي، چې د پلان له مخې به د پانګونې اندازه ۳۳ميليارد ډالرو ته ورسېږي. د امريکې د ټېسلا(Tesla)، د جاپان د ليکسوس (LEXUS) په شمول د موټرو توليدولو نړيوالو تصديو د چين په بازار کې د زياتې اندازې پانګونه کړې، د امريکې د ايلي ليلي (Eli Lilly) د درمل جوړولو شرکت ژمنه کړې، چې په چين کې به لا زياتې پانګونه وکړي او توليدي توان به پياوړی کړي، د امريکې د مکډونالډ (McDonald) شرکت به په روان کال کې په چين کې نور ۱۰۰۰راسټورنټونه پرانيزي، د امريکې د سبوې(SUBWAY) شرکت پلان لري، چې په راتلونکي کې هر کال له ۳۰۰څخه تر ۵۰۰پورې نوي راسټورنتونه پرانيزي……د بهرنيو شرکتونو د پانګونې لوري دا ښيي، چې د چين پراخ بازار د بهرنيو پانګو لپاره تر ټولو د پام وړ او جالب دی.
