د چین د ۱۴م ملي ولسي کانګرېس ۴مه کلنۍ غونډه د مارچ د ۵مې نېټې په سهار په پلازمېنې بېجینګ کې پرانیستل شوه او د دغه هېواد صدراعظم لي چیانګ پکې د حکومت کاري راپور وړاندې کړی دی.
د ياد راپور له مخې، د چین اقتصاد په ۲۰۲۵م کال کې عمومي پرمختګ کړی، کورني ناخالص توليد يې ۵ سلنه زیات شوی او په ټولیزه توګه ۱۴۰ اعشاریه ۱۹ ټریلیونو یوانو ته رسېدلی دی.
تېر کال په چین کې کارموندنه په عمومي توګه ثابته وه، په ښارونو او ښارګوټو کې يې ۱۲ اعشاریه ۶۷ میلیونه نوې دندې رامنځته شوي او د بېکارۍ منځنی انډول يې ۵ اعشاریه ۲ سلنه ښودل شوی دی.
په تېر ۲۰۲۵م کال کې د چين بهرنۍ سوداګرۍ چټکه وده کړې او د اوسېدونکو د عوایدو وده يې له اقتصادي ودې سره برابره روانه وه او د غلو دانو تولید ۷۱۵ ميلیونو ټنو ته رسېدلې وه.
برسېره پر دې، تېر کال د چین نوي کیفیت لرونکي تولید ثابته وده موندلې، ساینسي او ټېکنالوژیکي نوښت يې ګټورې پایلې درلودې او د چاپېریال کیفیت يې په دوامداره توګه ښه شوی و.
