د پکتیکا ولایت په مرکز ښرنه، ګیان او مټاخان ولسوالیو کې د کرنې او اوبو مدیریت اړوند یو شمېر پروژې بشپړې او ګټې اخیستنې ته سپارل شوې دي. د پکتیکا د کرنې، اوبو لګولو او مالدارۍ ریاست رییس، مولوي لعل محمد ګوهر، ویلي چې دغه پروژې د افغانستان د راتلونکو نسلونو موسسې (FGA) په همکارۍ د ۲۶۱ زره او ۲۳۱ امریکایي ډالرو په لګښت پلې شوې دي. د هغه په وینا، په دغو پروژو کې د اوبو د مدیریت او کرنیزو ځمکو د ساتنې لپاره د استنادي دېوالونو، چک ډیمونو او د اوبو د زېرمه کولو حوضونو جوړول شامل دي.
