په تازه چاودنه کې شپږو پاکستاني عسکرو ته مرګ ژوبله اوښتې ده. ځايي رسنۍ وايي چې په جنوبي وزیرستان کې پر پاکستاني عسکرو چاودنه شوې او تلفات لري. راپورونه وایي چې دغه چاودنه د پولیسو پر یوه موټر وشوه چې له امله یې یو پوځي وژل شوی او پنځه نور ټپيان دي.
ځايي روغتیایي چارواکو هم د پنځو د ټپي کېدو او یوه عسکر د وژل کېدو خبره کړې ده، خو پاکستاني پوځ یوازې د یوه عسکر وژل کېدل تایید کړي دي. تر اوسه ددغه پېښې مسوولیت چا نه دی منلی.
په وروستیو کې پر پاکستاني عسکرو بریدونه ډېر شوي دي، چې له امله یې پاکستانی حکومت سخت اندېښمن دی او له افغان حکومت یې د منځګړیتوب غوښتنه کړې ده.
