د ملګرو ملتونو عمومي منشي انټونيو ګوټريش د جولای په ۲۵ مه نېټه يوه اعلاميه خپره کړې، چې له مخې يې، چيني ډيپلوماټ لي جون هوا د ملګرو ملتونو د عمومي منشي د اقتصادي او ټولنيزو چارو مرستيال په توګه ټاکل شوی دی.
اعلاميه وايي، چې لي جون هوا به د خپلې دندې په بهیر کې د ملګرو ملتونو اړوندو ادارو ته د څواړخيزو اقتصادي او ټولنيزو همکاريو په اړه نظرونه او وړانديزونه ورکوي.
لي جون هوا ژمنه کړې، چې له بېلا بېلو خواوو سره به د ملګرو ملتونو د ۲۰۳۰ م کال د دواملرونکي پرمختګ اجنډا پلې کړي او له غړو هېوادونو سره به همکارۍ وکړي.
د مالوماتو له مخې، لي جون هوا د ملګرو ملتونو د اسيا او ارام سمندر اقتصادي او ټولنيزې کمېټې، د دې سازمان عمومي اسمبلۍ، د امنيت شورا څو غونډو، د شلو هېوادونو ډلې، د اسيا او ارام سمندر سازمان، د اسيا او اروپا غونډې او د بريکس هېوادونو په شمول د څواړخيزوغونډو لپاره خدمتونه کړي دي
(مينه)
