د چين د کمونېست ګوند د مرکزي کميټې د سياسي بيورو غړي او د بهرنيو چارو وزير وانګ يي د اپرېل په ۲۶مه نېټه په بېجينګ کې د امريکا د بهرنيو چارو له وزير انتوني بلينکن سره خبرې اترې وکړې او د دواړو خواوو د هراړخيزې تبادلې پر بنسټ پنځو موافقو ته ورسېدل.
لومړی، دواړو خواوو موافقه وکړه، چې د دواړو هېوادونو د مشرانو له لارښوونې سره سم به د چين او امريکا ترمنځ د اړيکو د ټينګښت او پرمختګ لپاره کوښښ وکړي.
دوهم، دواړو خواوو موافقه وکړه، چې د لوړې کچې تبادلې او په ټولو کچو کې به تماسونه وساتي.
درېيم، دواړو خواوو اعلان وکړ، چې د مصنوعي ځیرکتیا په اړه د چين او امريکا ترمنځ د خبرو اترو لومړۍ غونډه تر سره او یو لړ سلامشورې به تر سره کړي.
څلورم، دواړه خواوې به د دواړو هېوادونو د خلکو ترمنځ د کلتوري تبادلې د پراخولو لپاره تدبيرونه نيسي.
پنځم، دواړه خواوې به د نړيوالو او سيمه ييزو مسئلو په اړه سلا مشورې کوي او د دواړو خواوو ځانګړي استازي به اړيکې پياوړې کوي.
