د چین د دولتي شورا غړي او د بهرنيو چارو وزير چين ګانګ د جون په ۱۱مه نېټه په بېجينګ کې د هندوراس سفارت د پرانيستلو په مراسمو کې ګډون وکړ او د هندوراس د بهرنيو چارو له وزير ادواردو رينا سره يې په ګډه د دغه سفارت پرانيسته وکړه.
چين ګانګ د چين د حکومت په استازيتوب مبارکي وويله او ويې ویل چې له چین څخه د هندوراس د ولسمشرې ايريس سيومارا کاسترو روان رسمي لیدنه ستر اهمیت لري. د چین دولت رئيس شي جين پينګ او ولسمشرې کاسترو ترمنځ تاريخي ملاقات به خامخا دوه اړخيزې اړيکې نوي پړاو ته ورسوي او نوی پرمختګ به تر لاسه کړي. چين غواړي په بېلا بېلو ساحو کې له هندوراس سره متقابلې ګټورې همکارۍ ته دوام ورکړي او د بېلا بېلو کچو، ملي شرايطو او نظامونو لرونکو هېوادونو ترمنځ د دوستانه همکارۍ د نوي ماډل په توګه د چين او هندوراس اړيکې ټينګې کړي.
ولسمشرې رينا وويل، له چين سره د ډيپلوماتيکو اړيکو ټينګېدل د هندوراس او نړۍ ترمنځ د اړيکو نوی باب پرانيستی او موږ ته يې د يو هوسا او پرمختيايي ستر هېواد دروازه خلاصه کړه. هندوراس به د يو چين د پېژندنې پر اصل ټينګار وکړي. باورمن دی چې د هندوراس او چين ترمنځ اړيکې به لاټينګې شي او د دواړو هېوادونو خلکو ته به ګټه ورسوي.
