په ژنیو کې د ملګرو ملتونو د دفتر او په سویس کې د نورو نړیوالو سازمانونو لپاره د چین دایمي استازي جیا ګوی ده د جون په ۲۵مې نېټې د بشري حقونو شورا په ۶۲مه غونډه کې د نژدې ۲۰ هېوادونو په استازیتوب یوه ګډه اعلامیه وړاندې کړې او د جبري کار په پلمه د تعرفو لګولو یو اړخیزې ځورونکې کړنې يې پکې غندلې دي.
اعلاميه وايي، د بېوزلۍ له منځه وړل د بېلا بېلو هېوادونو د خلکو د کار او پرمختګ حقونو ساتنې ته اړتیا لري.
په اعلاميې کې د ځینو هېوادونو هغه کړنې، چې د جبري کار په پلمه پر نورو تعرفې لوړوي، غندل شوي او پکې ویل شوي، چې دغسې کړنې په بېلا بېلو هېوادونو کې د کارګرو د ښه کار او پرمختګ حقونه زیانمنوي، د نړیوالو اکمالاتي زنځیرونو او صنعتي زنځیرونو ثبات ګډوډوي او د بېوزلۍ د له منځه وړلو په برخه کې نړیوالې هڅې کمزورې کوي.
په اعلاميې کې له ټولو هېوادونو څخه غوښتل شوي، چې د عیني حقایقو درناوی وکړي، د سوداګریزو او اقتصادي مسئلو سیاسي کول او د بشري حقونو مسئلې د وسلې په توګه ونه کاروي، د نړیوالې سوداګرۍ او اقتصادي نظم د ساتنې لپاره کوټلي اقدامات واخلي او د نړیوال پرمختګ او بېوزلۍ کمولو لپاره خدمتونه وکړي.
