چين د سمندري ځواکمن هېواد د ابادۍ په بهير کې په نړیوالې سمندري حکومتوالۍ کې فعال ګډون لري او ډېر نړیوال سمندري توکي برابروي.
د چین د طبيعي زېرمو وزارت يوه چارواکي په دې وروستيو کې ويلي، چې هېواد يې د ملګرو ملتونو په چوکاټ کې د نړيوالې سمندري حکومتوالۍ په ميکانيزم کې فعال ګډون لري او د ژورو سمندري کانونو د استخراج او د سمندري ژويو د تنوع ساتنې د مقرراتو په جوړولو کې رغنده رول لوبوي.
ياد چارواکي ويلي، چې د چين وړانديز «د کمربند او لارې د ابادۍ په بهیر کې د سمندري همکارۍ نظریې » ګټورې پايلې تر لاسه کړي او ګاونډيو هېوادونو يې « د جنوبي سمندرګي او شاوخوا سيمو د نړيوالو همکاريو پلان» ته مثبت ځواب ورکړی دی.
چین د سمندر د ګډ برخلیک ټولنې د مفکورې له مخې، له پورتګال، اروپايي ټولنې، سيشلز سره د سمندري همکاریزو اړیکو د جوړولو په اړه بين الحکومتي سندونه لاسليک کړي او اړوندو هېوادونو او سیمو ته يې ډېر نړیوال سمندري عامه توکي برابر کړي دي.
