د روسيې د بهرنيو چارو وزارت د سپتمبر په پنځمه نېټه خبر ورکړ، په افغانستان کې د روسيې سفارت ته څېرمه چاودنه شوې چې له امله يې د دغه سفارت د دوو کارکوونکو په شمول لږ تر لږه اته تنه مړه شوي دي.
د چين د بهرنيو چارو وزارت ویاندې ماو نينګ د سپتمبر په شپږمې نېټې په يوې خبري ناستې کې وويل، چې چین پر ډيپلوماتيکو ارګانونو او اړوندو پرسونلو ترهګريز بريدونه غندي او ښکېلو کسانو ته يې د سختې سزا غوښتنه کوي.
وياندې ماو نينګ په يادې چاودنې کې د دوو روسيې ډيپلوماتانو او افغان ملکيانو پر مړينې خواشيني څرګنده کړې او د دوی له کورنیو سره يې غمشريکي ښودلې او ټپيانو ته يې د ښې روغتيا هيلې وړاندې کړې دي.
نوموړې ويلي، چې چين هيله من دی، افغان لوری په هېواد کې دننه د ډيپلوماتيکو ارګانونو او کارکوونکو د خونديتوب د تضمين لپاره اغيزمن تدبيرونه ونيسي او نړيواله ټولنه دې د افغانستان د سولې او ثبات د ساتلو لپاره رغنده رول ولوبوي.
(غاټول)
