کرونا وبا؛ امریکا او اروپايي هېوادونو له هند سره د مرستې ډاډ ورکړی

په هند کې د کرونا له امله د ناورین له رامنځ ته کېدو وروسته ګڼو اروپایي هېوادونو او امریکا له دغه هېواد سره د مرستې خبر ورکړی دی. د امریکا د ولسمشر په ګډون ددغه هېواد ادارو او ګڼو چارواکو په خپلو خپرو کړو پیغامونو کې ویلي چې له هند سره به د کرونا وبا د کنټرول په برخه کې همکاري کوي او همدا راز دغه هېواد ته به د واکسین جوړونې مواد ولېږي څو د واکسینو تولید ډېر شي. امریکا په ګڼو برخو کې له هند سره د مرستې ډاډ ورکړی دی. ګڼو اروپايي هېوادونو هم ویلي چې هند په سختو شرایطو کې دی او جدي لاسنیوي ته اړتیا لري. هند کې د کرونا نوې څپې سخت ناورین جوړ کړی دی او هره ورځ تر ۲ زره پورې کسان وژني او تر څنګ یې په ۲۴ ساعتونو کې تر ۳۵۰ زره پورې مثبتې پېښې رامنځ ته کېږي.