کرکټ؛ د بنګله دېش پروړاندې یو ورځنیو سیالیو ته لوبډله اعلان شوه

د افغانستان کرکټ بورډ د بنګله‌دېش پر وړاندې د یو ورځنیو سیالیو لپاره د لوبغاړو نوملړ اعلان کړی دی.کرکټ بورډ ویلي چې دغه ۳ یو ورځنۍ سیالۍ به د راتلونکې نومبر میاشتې په ۶مه نېټه پیل او تر ۱۱مې نیټې پورې به دوام وکړي. دکرکټ د خبر له مخې ابراهیم ځدراڼ او مجیب‌الرحمن لاهم د خپلو ټپونو له امله د لوبو کولو لپاره چمتو نه دي. په اعلان شوې لوبډله کې حشمت‌الله شهیدي لوبډلمشر، رحمت‌شاه زرمتی مرستیال لوبډلمشر، رحمن‌الله ګربز او اکرام علي‌خېل وېکټ ساتونکي، عبدالمالک، ریاض حسن، صدیق‌الله اتل، دروېش رسولي، عظمت‌الله عمرزی، محمد‌نبي، ګلبدین نایب، راشد خان، ننګیال خروټی، الله محمد غضنفر، نور احمد، بلال سمیع، فضل‌الحق فاروقي، نوید ځدراڼ او فرید احمد ملک شامل دي.