کرکټ؛ د ځوانانو اسیا جام پایلوبه د افغانستان او سریلانکا ترمنځ کیږي

د روان ۲۰۲۴ کال ځوانانو اسیا جام سیالیو پایلوبه نن ماښام ۶ بجې د افغانستان او سریلانکا کرکټ الف لوبډلو ترمنځ ترسره کیږي. افغانستان او سریلانکا په اې ګروپ کې ځای درلود. په ګروپي سیالیو کې لومړی له اې ګروپ څخه افغانستان او بیا سریلانکا لار پیدا کړه. په بي ګروپ کې د پاکستان او هند په شمول کومه لوبډله تر پایلوبې ونه رسېده. پاکستان په لومړۍ نیمه پایلوبه کې له سریلانکا او هند په دویمه نیمه پایلوبه کې له افغانستانه ماتې ومنله. سریلانکا د افغان لوبډلې سره په داسې حال کې په پایلوبه کې مخامخ کیږي، چې تردې وړاندې یې له افغان لوبډلې څخه په ګروپي سیالیو کې سخته ماتې خوړلې ده.