کرکټ؛ د ۱۹کلونو ملي لوبډله نن له ویسټ انډیز سره لوبه ترسره کوي

د ۱۹ کلنو کرکټ نړیوال جام سیالیو په لړ کې نن  افغان لوبډله له ویسټ انډیز سره سیالۍ ترسره کوي. دا لوبه د نامیبیا په وینډهوک کې ټاکل شوې، چې نن د غرمې دولس بجې پيل شي. د نولس کلنو نړیوال جام سیالیو کې چې په ۴ ګروپونو کې لوبډلې سیالۍ ترسره کوي، افغان لوبډله په ډي ګروپ کې ده. په دغه ګروپ کې په افغانستان او ویسټ اندیز سربېره د جنوبي افریقا او تانزانیا لوبډلې هم شاملې دي. په دې ګروپ کې افغانستان او ویسټ اندیز د نمرو د جدوله په سرکې دي، چېخپلې لومړۍ لوبې یې ګټلې دي.