۶۴ کلنه دراپادي مرمو د هند ولسمشره ټاکل شوې ده

یوه ۶۴ کلنه قبایلۍ سیاستواله، دروپدي مرمو د هند د نوې ولسمشرې په توګه ټاکل شوې ده. مرمو په هند کې لومړنۍ قومي مخوره ده، چې د هېواد تر ټولو لوړ مقام ته رسېږي. په هند کې ولسمشرۍ مقام د دولت ریاست پر غاړه لري، خو اجرايي واک نه لري. د هند ولسمشرۍ لپاره کاندید کسان د پارلمان دواړو جرګو، ایالتي اسمبلیو او دغه راز د دولت تر مستقیمې واکمنۍ لاندې سیمو لخوا ټاکل کېږي. د یادونې ده، چې مېرمن مرمو د اپوزېسیون کاندید یشونت سنها په مقابل کې په اسانۍ سره بریا ترلاسه کړه. مرمو به د اوسني ولسمشر رام نات کویند ځایناستې شي، چې د ولسمشرۍ موده یې د جولای پر ۲۴ مه پای ته رسېږي. لومړي وزیر نرېندرا مودي په خپله ټویټر پاڼه کې  د هغې ستاینه کړې چې په وینا یې د بیوزلو ولسونو خدمت ته یې ژوند وقف کړی دی